ཉེ་ཆར“གླིང་སྣེའི་ནག་ཆུ། དམར་ཉམས་ཀྱི་སོག་རྫོང”གི་བྱང་ཐང་འབྲུག་མོ་རོལ་དབྱངས་དུས་ཆེན་གྱི་བྱེད་སྒོ་སྤེལ་བ་དང་། སོག་རྫོང་ལ་ཅི་ཉི་སིའི་འཛམ་གླིང་ཟིན་ཐོའི་ཁས་ལེན་དཔང་འདོན་ཡི་གེ་རག་པ་སྟེ། སྤུ་རྒྱལ་གངས་རིའི་འཁྱགས་རོམ་ལ“གཟར་ཁྱད་ཆེ་ཤོས་ཀྱི་ཐུར་འཕྱང་འཁྱགས་རོམ”གྱི་མཚན་སྙན་ཐོབ་ནས་བོད་བྱང་ཐང་ས་མཐོར་སླར་ཡང་འཛམ་གླིང་རིམ་པའི་སྐྱེ་ཁམས་རིག་གནས་ཡུལ་སྐོར་གྱི་མིང་བྱང་ཞིག་མང་དུ་སོང་ཡོད།

    སྤུ་རྒྱལ་གངས་རིའི་ལྗོངས་གཞུང་ཡུལ་སྐོར་མཛེས་ལྗོངས་ཁུལ་དེ་བོད་བྱང་ཐང་ས་ཁུལ་གྱི་གནམ་གཤིས་འགྱུར་ལྡོག་ལ་ཞིབ་འཇུག་བྱེད་པའི་མ་དཔེ་གལ་ཆེན་ཞིག་རེད་ལ། ས་བབ་མཐོ་བའི་ས་ཁུལ་དུ“རི་སྔོན་ཆུ་དྭངས་གསེར་དངུལ་རི་ལས་ལྷག་པའི”འདུ་ཤེས་ལག་ལེན་བསྟར་བའི་དཔེ་མཚོན་ཞིག་ཀྱང་རེད།