རྒྱལ་ནང་གསར་འགྱུར།_康巴卫视网

ཞི་ཅིན་ཕིང་ཨ་མེ་རི་ཁའི་སྲིད་འཛིན་གྱིས་ཕོ་བྲང་དཀར་པོར་བསྡུས་པའི་དགའ་བསུ་ཞུ་བའི་མཛད་སྒོར་ཞུགས།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ས་གནས་དེའི་དུས་ཚོད་ཟླ9པའི་ཚེས24ཉིན་གྱི་སྔ་དྲོ་ཨ་རིའི་སྲིད་འཛིན་ཐི་ལིང་ཕུའུ་ཡིས་ཝ་ཧྲིང་ཏོན་ཕོ་བྲང་དཀར་པོ་རུ་དགའ་བསུ་ཞུ་བའི་མཛད་སྒོ་གཟབ་རྒྱས་ངང་བསྡུས་ནས་ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁར་རྒྱལ་དོན་འཚམས་འདྲི་མཛད་པར་དགའ་བསུ་ཞུས།

ཟླ9པའི་ཝ་ཧྲིང་ཏོན་གྱི་སྟོན་ཁའི་ཡུལ་ལྗོངས་ཡིད་དུ་འོང་ཞིང་། ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་རྒྱལ་དར་རླུང་གིས་ལྷབ་ལྷུབ་ཏུ་བསྐྱོད་བཞིན་ཡོད། ཞི་ཅིན་ཕིང་དང་སྐུ་ཟླ་ཕེང་ལི་ཡོན་རྣམ་གཉིས་རླངས་འཁོར་ལ་བཞུགས་ནས་ཕོ་བྲང་དཀར་པོར་ཕེབས་སྐབས་ཙུང་ཐུང་ཐི་ལིང་ཕུའུ་དང་སྐུ་ཟླ་མའེ་ལ་ཉིས་ཡ་གཉིས་རླངས་འཁོར་འབབ་སར་ཡོང་ནས་སྤྲོ་སེམས་འཁོལ་བའི་བསུ་མ་བྱས། རྒྱལ་ཁབ་གཉིས་ཀྱི་གཙོ་འཛིན་སྐུ་ཟླས་ལྷན་དུ་མཉམ་པར་བསྐྱོན།

ས་གནས་དེའི་དུས་ཚོད་ཟླ9ཚེས24ཉིན་གྱི་སྔ་དྲོ་ཨ་རིའི་སྲིད་འཛིན་ཐི་ལིང་ཕུའུ་ཡིས་ཝ་ཧྲིང་ཏོན་ཕོ་བྲང་དཀར་པོ་རུ་དགའ་བསུ་ཞུ་བའི་མཛད་སྒོ་གཟབ་རྒྱས་ངང་བསྡུས་ནས་ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁར་རྒྱལ་དོན་འཚམས་འདྲི་མཛད་པར་དགའ་བསུ་ཞུས། འདི་ནི་ཞི་ཅིན་ཕིང་དང་སྐུ་ཟླ་ཕེང་ལི་ཡོན་གཉིས་ཀྱིས་སྲིད་འཛིན་ཐི་ལིང་ཕུའུ་དང་ལྕམ་མོ་མའེ་ལ་ཉི་ཡ་དང་མཉམ་པར་བསྐྱོན་པའི་ཚུལ་རེད།

ས་གནས་དེའི་དུས་ཚོད་ཟླ9ཚེས24ཉིན་གྱི་སྔ་དྲོ་ཨ་རིའི་སྲིད་འཛིན་ཐི་ལིང་ཕུའུ་ཡིས་ཝ་ཧྲིང་ཏོན་ཕོ་བྲང་དཀར་པོ་རུ་དགའ་བསུ་ཞུ་བའི་མཛད་སྒོ་གཟབ་རྒྱས་ངང་བསྡུས་ནས་ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁར་རྒྱལ་དོན་འཚམས་འདྲི་མཛད་པར་དགའ་བསུ་ཞུས། འདི་ནི་ཞི་ཅིན་ཕིང་དང་སྐུལ་ཟླ་ཕེང་ལི་ཡོན་གཉིས་ཀྱིས་སྲིད་འཛིན་ཐི་ལིང་ཕུའུ་དང་ལྕམ་མོ་མའེ་ལ་ཉི་ཡ་དང་མཉམ་པར་བསྐྱོན་པའི་ཚུལ་རེད།

ས་གནས་དེའི་དུས་ཚོད་ཟླ9པའི་ཚེས24ཉིན་གྱི་སྔ་དྲོ་ཨ་རིའི་སྲིད་འཛིན་ཐི་ལིང་ཕུའུ་ཡིས་ཝ་ཧྲིང་ཏོན་ཕོ་བྲང་དཀར་པོ་རུ་དགའ་བསུ་ཞུ་བའི་མཛད་སྒོ་གཟབ་རྒྱས་ངང་བསྡུས་ནས་ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁར་རྒྱལ་དོན་འཚམས་འདྲི་མཛད་པར་དགའ་བསུ་ཞུས། འདི་ནི་ཞི་ཅིན་ཕིང་དང་སྐུ་ཟླ་ཕེང་ལི་ཡོན་གཉིས་ཀྱིས་སྲིད་འཛིན་ཐི་ལིང་ཕུའུ་དང་ལྕམ་མོ་མའེ་ལ་ཉི་ཡ་དང་མཉམ་པར་བསྐྱོན་པའི་ཚུལ་རེད།

ཞི་ཅིན་ཕིང་སྐུ་ཟླ་གཉིས་ཐི་ལིང་ཕུའུ་སྐུ་ཟླ་གཉིས་ཀྱི་ཕེབས་རོགས་འོག་ཕོ་བྲང་དཀར་པོར་ཕེབས། ཞི་ཅིན་ཕིང་དང་ཕེང་ལི་ཡོན་གཉིས་ཀྱིས་སྔ་རྗེས་སུ་སྐུ་མགྲོན་བརྗེད་བྱང་སྟེང་དུ་མིང་རྟགས་བཀོད།

དམག་དཔུང་རོལ་ཆའི་རུ་ཁག་གིས་ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་རྒྱལ་གླུ་དཀྲོལ།

རྒྱལ་གླུ་མཇུག་སྒྲིལ་རྗེས། ཞི་ཅིན་ཕིང་དང་ཐི་ལིང་ཕུའུ་གཉིས་ཀྱིས་སོ་སོར་ཤིས་ཚིག་ཕུལ།

ཞི་ཅིན་ཕིང་གིས་ཀྲུང་གོའི་མི་དམངས་དུང་ཕྱུར14ལྷག་གི་ཚབ་མཛད་དེ། ཨ་རིའི་མི་དམངས་ལ་ལྷག་བསམ་འཁོརལ་བའི་འཚམས་འདྲི་ཞུས་པ་དང་ཨ་རིར་རང་བཙན་ཐོབ་ནས་ལོ་ངོ250འཁོར་བར་སྤྲོ་སེམས་འཁོལ་བའི་རྟེན་འབྲེལ་ཞུས།

ཞི་ཅིན་ཕིང་གིས་བསྟན་དོན། ཀྲུང་གོ་དང་ཨ་རི་རྒྱལ་ཁབ་གཉིས་ཀྱིས་དེ་སྔ་དཔུང་པ་མཉམ་གཤིབ་ཀྱིས་ཧྥ་ཞི་སིའི་བཙན་འཛུལ་ལ་འགོག་རྒོལ་བྱས་མྱོང་། ལོ་རྒྱུས་དེ་ཀྲུང་གོའི་མི་དམངས་ཀྱིས་བརྗེད་མི་སྲིད་ལ་ཨ་རིའི་མི་དམངས་ཀྱིས་ཀྱང་བརྗེད་མེད། ཀྲུང་གོ་དང་ཨ་རིའི་འབྲེལ་བའི་རེ་བ་མི་དམངས་དང་འབྱུང་འགྱུར་གཞོན་ནུར་བཅོལ་ཡོད། མ་འོངས་བའི་ལོ5ཡི་ནང་ཀྲུང་གོས་ཨ་རིའི་ན་གཞོན་ཆིག་འབུམ་ཀྲུང་གོར་སྤེལ་རེས་དང་སློབ་སྦྱོང་བྱེད་པར་གདན་ཞུ་བྱ་རྒྱུ་ཡིན། དོམ་ཁྲ་ནི་ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་མི་དམངས་ཀྱི་མཛའ་མཐུན་ཕོ་ཉ་ཡིན། དོམ་ཁྲ“ཕིན་ཕིན”དང་“ཧྥུའུ་ཧྲོང”ཡ་ཐེ་ལན་ཏ་སྲོག་ཆགས་གླིང་དུ་གཞིས་ཆགས་ཏེ། ཨ་རིའི་མི་དམངས་དང་ལྷན་འཛོམས་བྱ་རྒྱུ་རེད།

ཞི་ཅིན་ཕིང་གིས་ནན་གྱིས་བསྟན་དོན། ཀྲུང་གོ་དང་ཨ་རི་རྒྱལ་ཁབ་གཉིས་ཀྱིས་འབྲེལ་གཏུག་བྱེད་ཤུགས་ཆེ་རུ་གཏོང་དགོས། རྒྱལ་ཁབ་གཉིས་ཀྱི་གནས་ཚུལ་མི་འདྲ་བས། ལྷག་བསམ་རྣམ་དག་དང་གཏིང་ཟབ་པ། རྒྱུན་མཐུད་ཀྱི་གྲོས་མོལ་བྱས་ན་ཕན་ཚུན་རྒྱུས་ལོན་ཇེ་ཟབ་ཏུ་གཏོང་བ་དང་། མཐུན་པ་ཡོང་ཐབས་དང་འགལ་བ་སེལ་ཐབས། ཡིད་ཆེས་གསོག་འཇོག་བཅས་བྱེད་ཐུབ། ཀྲུང་གོ་དང་ཨ་རིས་མཉམ་ལས་ངོ་མ་སྤེལ་དགོས། རྒྱལ་ཁབ་གཉིས་ཀྱི་ཁེ་ཕན་ཚད་མཐོའི་མཉམ་འདྲེས་ཡོད་པས། མཉམ་ལས་བྱེད་སའི་བར་སྟོང་ཧ་ཅང་རྒྱ་ཆེན་པོ་ཡོད། ཀྲུང་གོ་དང་ཨ་རིའི་མཉམ་ལས་ཀྱིས་འཛམ་གླིང་གི་གནད་དོན་ཚང་མ་ཐག་གཅོད་བྱེད་མི་སྲིད་ཀྱང་། རྒྱལ་ཁབ་གཉིས་ཀྱི་མཉམ་འབྲེལ་མེད་ཚེ། འཛམ་གླིང་སྟེང་གི་གནད་དོན་མང་པོ་ཞིག་ཐག་གཅོད་དཀའ་བ་ཡིན། ཀྲུང་གོ་དང་ཨ་རི་གཉིས་ཀ་མིས་བཟོས་རིག་ནུས་སྟོབས་ལྡན་རྒྱལ་ཁབ་ཡིན་པས། མིས་བཟོས་རིག་ནུས་འཕེལ་རྒྱས་དང་དོ་དམ་ཡག་པོ་གཏོང་བར་ནུས་པ་ཡོད་པ་མ་ཟད་འགན་འཁྲི་ཡང་ཡོད་པ་སྟེ། མིས་བཟོས་རིག་ནུས་ལ་ནམ་ཡང་མིས་ཚོད་འཛིན་ཐུབ་པར་བྱས་ནས་མི་དམངས་ལ་ཕན་བདེ་བསྐྲུན་དགོས། ཀྲུང་གོ་དང་ཨ་རི་ཞི་བདེ་ངང་མཉམ་དུ་གནས་པར་བྱ་དགོས། ཀྲུང་ཨའི་རྒྱལ་ཁབ་ཆེན་པོ་འདི་གཉིས་མཐུན་ན་ཕན་ཚུན་ལ་ཁེ་ཕན་བསྐྲུན་ཐུབ་པ་དང་། འགལ་ན་གཉིས་ཀར་གནོད་པ་ཐེབས་ངེས་ཡིན། ཕྱོགས་གཉིས་ཀས་ངེས་པར་དུ་འཁྲུག་རྩོད་མི་བྱེད་པ་དང་ཁ་གཏད་དུ་ལངས་མི་རུང་བའི་མཐའ་མཚམས་སྲུང་དགོས། "ཞིའུ་ཞི་ཏིས་ཏིའི་དོང་རྙི"ནི་བརྒལ་ཆོག་པ་ཞིག་རེད།

ཞི་ཅིན་ཕིང་གིས་བསྟན་དོན། ཀྲུང་གོ་དང་ཨ་རི་སྔོན་ཆད་ཧྥ་ཤི་སིར་ངོ་རྒོལ་གྱི་དམག་འཁྲུག་ནང་དཔུང་པ་མཉམ་གཤིབ་བྱས་པ་ཡིན། ལོ་རྒྱུས་འདི་ཀྲུང་གོ་མི་དམངས་ཀྱིས་བརྗེད་མེད་ལ། ཨ་མེ་རི་ཁ་མི་དམངས་ཀྱིས་ཀྱང་བརྗེད་མེད། ཀྲུང་ཨའི་འབྲེལ་བ་རེ་བ་ནི་མང་ཚོགས་ལ་བཅོལ་ཡོད་པ་དང་མ་འོངས་པ་ན་གཞོན་རྣམས་ལ་རག་ལས་ཡོད། འབྱུང་འགྱུར་ལོ་ལྔའི་རིང་དུ། ཀྲུང་གོ་ཕྱོགས་ཀྱིས་ཨ་མེ་རི་ཁའི་གཞོན་ནུ་ཁྲི10ཙམ་ཀྲུང་གོ་ཏུ་སློབ་སྦྱོང་བརྗེ་རེས་སུ་གདན་འདྲེན་ཞུ་རྒྱུ་ཡིན། དོམ་ཁྲ་ནི་ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་མི་དམངས་དབར་མཛའ་བརྩེ་མཚོན་པའི་ཕོ་ཉ་ལྟ་བུ་ཡིན། དོམ་ཁྲ"ཕིན་ཕིན"དང"ཧྥུའུ་་ཧྲོན"གཉིས་མྱུར་དུ་ཡ་ཐེ་ལན་ཏ་སྲོག་ཆགས་གླིང་གར་འབྱོར་ཏེ། ཨ་རི་མི་དམངས་དང་མཇལ་འཕྲད་བྱ་རྒྱུ་ཡིན།

ཞི་ཅིན་ཕིང་གིས་ནན་གྱིས་བསྟན་དོན། ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་མངོན་འགྱུར་དང་ཨ་རི་སླར་ཡང་རླབས་ཆེན་འགྱུར་བ་འགལ་མེད་མཉམ་གནས་ཐུབ་ཅིང་། ཕྱོགས་གཉིས་ཀྱི་མི་དམངས་ཀྱིས་བརྩེ་སེམས་མཐའ་འཁྱོངས་དང་ལོ་རྒྱུས་ཀྱི་རང་འགུལ་མངོན་པར་བྱས་ཏེ། ཀྲུང་ཨ་རྒྱལ་ཁབ་གཉིས་ཀྱི་མི་དམངས་ཀྱི་མཛའ་མཐུན་བྱ་གཞག་ལ་རྒྱུན་ཆད་མེད་པར་སྐུལ་འདེད་བཏང་སྟེ་ལག་གདང་སྦྲེལ་ནས་སྔར་བས་མཛེས་སྡུག་ལྡན་པའི་འཛམ་གླིང་ཞིག་མཉམ་དུ་བསྐྲུན་དགོས།

ཐི་ལིང་ཕུའུ་ཡིས་ཞི་ཅིན་ཕིང་གིས་ཨ་རིར་ལོ་རྒྱུས་རང་བཞིན་གྱི་རྒྱལ་དོན་འཚམས་འདྲི་གནང་བར་སྤྲོ་སེམས་འཁོལ་བའི་དགའ་བསུ་ཞུས། ཁོང་གིས་བསྟན་དོན། ང་དང་ཀྲུའུ་ཞི་ཞི་ཅིན་ཕིང་གིས་ཕན་ཚུན་བརྩི་འཇོག་བྱེད་པའི་རྨང་གཞིའི་ཐོག་རླབས་ཆེན་གྱི་མཛའ་འབྲེལ་བཙུགས་ཡོད་ལ། དེ་ནི་རྒྱལ་ཁབ་གཉིས་ཀྱི་མི་དམངས་ཀྱི་རྩ་བའི་ཁེ་ཕན་དང་མཐུན། ཨ་ཀྲུང་རྒྱལ་ཁབ་གཉིས་ཀྱིས་དུས་རབས་འགའི་སྔོན་ལ་རྒྱ་མཚོ་ཆེན་པོ་བརྒལ་ནས་ཉོ་ཚོང་དང་ཕན་ཚུན་སློབ་སྦྱོང་བྱས། ཀྲུའུ་ཞི་ཞི་ཅིན་ཕིང་གི་ཐེངས་འདིའི་འཚམས་འདྲི་དེ་ཨ་རི་རང་བཙན་བྱས་ནས་ལོ250འཁོར་བའི་སྐབས་དང་འཁེལ་ཡོད་ཅིང་། ཕྱོགས་གཉིས་ཀྱིས་མུ་མཐུད་དུ་མཉམ་ལས་བྱས་ཏེ་འཛམ་གླིང་ལ་ལེགས་སྐྱེས་འབུལ་དགོས། ངས་ཀྲུའུ་ཞི་ཞི་ཅིན་ཕིན་དང་ལྷན་དུ་ཉོ་ཚོང་དང་། བདེ་འཇགས། མིས་བཟོས་རིག་ནུས། ཚན་རྩལ་སོགས་ཀྱི་ཐད་གྲོས་བསྡུར་ཟབ་མོ་བྱས་ཏེ། འཛམ་གླིང་གི་མ་འོངས་པའི་ལོ་བཅུ་ཕྲག་འགའི་རིང་གི་ཞི་བདེ་དང་འཕེལ་རྒྱས་ལ་རྨང་གཞི་བརྟན་པོ་འདིང་རྒྱུ་ཡིན། ཨ་ཀྲུང་རྒྱལ་ཁབ་གཉིས་ཀྱིས་དཔུང་པ་མཉམ་གཤིབ་ཀྱིས་དམག་འཐབ་བྱས་ནས་འཛམ་གླིང་འཁྲུག་ཆེན་གཉིས་པར་རྒྱལ་ཁ་ཐོབ་པ་དང་། སྟག་ཆོང་རུ་ཁག་སོགས་ཀྱི་གཏམ་རྒྱུད་ད་བར་རྒྱལ་ཁབ་གཉིས་ཀྱི་མི་དམངས་ཀྱིས་བརྗེད་དུ་མེད། ངས་ཀྲུའུ་ཞི་ཞི་ཅིན་ཕིང་དང་མུ་མཐུད་ལག་གདང་སྦྲེལ་ནས་མཉམ་ལས་བྱས་ཏེ་ཨ་ཀྲུང་རྒྱལ་ཁབ་གཉིས་ཀྱིས་སྔར་བས་མཛེས་སྡུག་ལྡན་པའི་འབྱུང་འགྱུར་བསྐྲུན་རྒྱུའི་རེ་སྒུག་བྱེད་ཀྱིན་ཡོད།

ཤིས་ཚིག་མཇུག་སྒྲིལ་རྗེས། ཞི་ཅིན་ཕིང་དང་ཕེང་ལི་ཡོན་རྣམ་གཉིས་ཀྱིས་ཐི་ལིང་ཕུའུ་སྐུ་ཟླ་གཉིས་ཀྱི་ཕེབས་རོགས་འོག་མཚོ་དམག་སྐམ་འཛིང་རུ་ཁག་གི་འཁྲབ་སྟོན་ལ་གཟིགས།

དགའ་བསུའི་མཛད་སྒོ་མཇུག་སྒྲིལ་རྗེས། རྒྱལ་ཁབ་གཉིས་ཀྱི་གཙོ་འཛིན་སྐུ་ཟླ་རྣམ་བཞི་ཕོ་བྲང་དཀར་པོའི་འཇོང་དབྱིབས་གཞུང་སྒྲུབ་ཁང་དུ་ཕེབས་ནས་མཛའ་བརྩེའི་གླེང་མོལ་གནང་།

ས་དེའི་དུས་ཚོད་ཟླ9ཚེས24ཉིན་གྱི་སྔ་དྲོ་ཨ་རིའི་སྲིད་འཛིན་ཐི་ལིང་ཕུའུ་ཡིས་ཝ་ཧྲིང་ཏོན་ཕོ་བྲང་དཀར་པོ་རུ་དགའ་བསུ་ཞུ་བའི་མཛད་སྒོ་གཟབ་རྒྱས་ངང་བསྡུས་ནས་ཀྲུང་གོ་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨ་མེ་རི་ཁར་རྒྱལ་དོན་འཚམས་འདྲི་མཛད་པར་དགའ་བསུ་ཞུས། འདི་ནི་རྒྱལ་ཁབ་གཉིས་ཀྱི་གཙོ་བདག་གིས་འཇོང་དབྱིབས་གཞུང་སྒྲུབ་ཁང་བྱམས་བརྩེའི་བརྗེ་རེས་བྱེད་པའི་ཚུལ་རེད།