རྒྱ་ཆེའི་རིག་རྩལ་ལས་དོན་པས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་དར་ཆ་མཐོན་པོར་སྒྲེང་བ་དང་། ཕྲག་ཐོག་ཏུ་བབས་པའི་འགན་འཁྲི་ངོས་ཟིན་ཟབ་མོ་སྐྱེད་ཅིང་། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དེ་རིག་རྩལ་གསར་བརྩམས་ཆོས་ཁྲོད་དུ་གསོན་ཉམས་རྒྱས་ཤིང་། རྣ་ལ་འགྲོ་ཞིང་ནང་དོན་ལེགས་པའི་བརྩམས་ཆོས་ཀྱི་ལམ་ནས་མི་རྣམས་ལ་ཅི་ཞིག་ལ་ངོས་ལེན་དང་བསྟོད་བསྔགས་བྱེད་དགོས་པ་དང་། ཅི་ཞིག་ལ་ངེས་པར་དུ་ངོ་རྒོལ་དང་ཁས་ལེན་བྱེད་མི་ཉན་པ་བཅས་ཀྱི་གནས་ལུགས་དང་གནས་ལུགས་མིན་གྱི་གོ་བརྡ་གསལ་པོ་སྤྲད་དེ་འཇམ་ཆར་ཟིམ་ཟིམ་དཔྱིད་ཀྱི་དཔལ་ཡོན་རྒྱས་པ་ལྟ་བུ་ཞིག་བྱ་དགོས།

༢༠༡༤ལོའི་ཟླ་བཅུ་པའི་ཚེས་བཅོ་ལྔ་ཉིན་ཞི་ཅིན་ཕིང་གིས་རིག་རྩལ་ལས་དོན་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་ལས།