པར་འདི་ནི་ཀྲུང་གོའི་མི་དམངས་དངུལ་ཁང་གི་སྤྱི་ཁྱབ་སྲིད་འཛིན་ཐོག་ཁང་རེད།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།　གསར་འགོད་པས་ཟླ1པོའི་ཚེས22ཉིན་ཀྲུང་གོའི་མི་དམངས་དངུལ་ཁང་ནས་ཤེས་རྟོགས་བྱུང་བ་ལྟར་ན།　ཉེ་ལམ།　ཀྲུང་གོ་མི་དམངས་དངུལ་ཁང་དང་སི་རི་ལན་ཁ་ཀྲུང་དབྱང་དངུལ་ཁང་གཉིས་ཀྱིས་ཕྱོགས་གཉིས་ཀྱི་དངུལ་ལོར་བརྗེ་རེས་བྱེད་པའི་གྲོས་གཞི་སྟེང་མིང་རྟགས་བཀོད།　ཕན་ཚུན་བརྗེ་རེས་བྱེད་པའི་གཞི་ཁྱོན་ལ་མི་དམངས་ཤོག་སྒོར་དུང་ཕྱུར100／སི་རི་ལན་ཁའི་ལུའུ་སྒོར་དུང་ཕྱུར4100བརྗེ་རྒྱུ་དང་།　གྲོས་གཞིའི་ནུས་ལྡན་དུས་ཡུན་ལོ་གསུམ་ཡིན་ལ།　ཕྱོགས་གཉིས་བར་འཐད་པ་བྱུང་ཚེ་དུས་ཡུན་ཇེ་རིང་དུ་གཏོང་ཆོག　

ཀྲུང་གོའི་མི་དམངས་དངུལ་ཁང་གིས་བསྟན་དོན།　ཀྲུང་གོ་དང་སི་རི་ལན་ཁས་ཕྱོགས་གཉིས་བར་མུ་མཐུད་དུ་དངུལ་ལོར་བརྗེ་རེས་བྱེད་པའི་གྲོས་གཞི་སྟེང་མིང་རྟགས་བཀོད་པ་དེ།　རྒྱལ་ཁབ་གཉིས་ཀྱི་དངུལ་རྩའི་མཉམ་ལས་ལ་ཤུགས་སྣོན་པར་ཕན་ནུས་ལྡན་ལ།　རང་སོ་སོའི་དངུལ་ལོར་བེད་སྤྱོད་བྱེད་རྒྱ་ཆེ་རུ་གཏོང་བ་དང་།　ཕྱོགས་གཉིས་ཀྱི་ཉོ་ཚོང་དང་མ་གཏོང་ལ་སྟབས་བདེ་སྐྲུན་པར་སྐུལ་འདེད་ཀྱི་ནུས་པ་ཐོན་སྲིད།　།