ཉེ་ཆར། ཀྲུང་གུང་ཀྲུང་དབྱང་རྩ་འཛུགས་པུའུ་གཞུང་དོན་ཐིང་དང་རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གཞུང་དོན་ཐིང་གིས་《གཞུང་ཞབས་པ་བསྡུ་བའི་གཟུགས་པོ་བརྟག་དཔྱད་ཀྱི་འབྲེལ་ཡོད་རྣམ་གྲངས་ཀྱི་ཞིབ་བཤེར་ཚད་གཞི་ལེགས་སྒྲིག་བྱ་རྒྱུའི་སྐོར་གྱི་བརྡ་ཐོ》ཁྱབ་བསྒྲགས་བྱས་པ་རེད། 

ལེགས་སྒྲིག་གི་ནང་དོན་ཁག་གསུམ་ཡོད་པ་སྟེ། 

  གཅིག ས་དབུས་རྒྱ་མཚོའི་ཁྲག་ཞན་(ས་དབུས་རྒྱ་མཚོའི་ཁྲག་ཞན་རྒྱུད་རྒྱུ་འཁྱེར་མཁན་དང་། ཞི་འཇགས་རིགས། ཡང་བ་)མ་ཟད་ཁྲག་དམར་སྤྲི་དཀར་90g/Lལས་མཐོ་ན། ཚད་མཐུན་ཡིན། 

  གཉིས། སྣོད་མང་མཁལ་མའི་མངོན་ཚུལ་ཡོད་པ་དང་། གཅིན་སྤྲི་དཀར་གདགས་གཤིས་མེད་པའམ་མཁལ་མའི་བྱེད་ལས་ཆ་ཚང་མིན་པ་ཡིན་ན། ཚད་མཐུན་ཡིན།

  གསུམ། དལ་གཤིས་རྐྱང་བའི་རྨེན་བུའི་ཕྲ་ཕུང་རང་བཞིན་གྱི་ཨོལ་རྨེན་ཚ་ནད་(ཧ་ཞེ་མོ་ཐོ་ཨོལ་གོང་གཤེར་རྨེན་ཚ་ནད་ཡང་ཟེར་) ཚད་མཐུན་ཡིན། 

《བརྡ་ཐོ་》བླང་བྱ་ལྟར་ན། ས་ཁུལ་ཁག་དང་སྡེ་ཁག་ཁག་གིས་ཚད་མཐོའི་མཐོང་ཆེན་དང་། གཟུགས་པོ་བརྟག་དཔྱད་ཀྱི་སྨན་བཅོས་སྒྲིག་གཞིར་གཞུང་ཞབས་པ་བསྡུ་བའི་གཟུགས་པོ་བརྟག་དཔྱད་ཀྱི་གོ་རིམ་དང་། རྣམ་གྲངས། ཚད་གཞི་བཅས་ཁོང་དུ་ཆུད་པ་དང་ལག་བསྟར་ནན་ཏན་བྱས་ཏེ། ཚད་གཞི་གསལ་པོ་དང་། བཀོལ་སྤྱོད་ཚད་ལྡན། བཀོལ་སྤྱོད་གཏན་འབེབས་ཚན་རིག་དང་མཐུན་ཞིང་། ལུགས་མཐུན་བཅས་བྱས་ཏེ་ཁྲིམས་དང་སྒྲིག་སྲོལ་ལྟར་གཞུང་ཞབས་པ་བསྡུ་བའི་གཟུགས་པོ་བརྟག་དཔྱད་ལས་དོན་ལེགས་པར་སྒྲུབ་དགོས།