ས་གནས་དེ་གའི་དུས་ཚོད་ཟླ་གཉིས་པའི་ཚེས་བཞི་ཉིན། ཨ་རིའི་ཙུང་ཐུང་ཐེ་རོན་ཕུའུ་ཡིས་སྲིད་འཛིན་བཀའ་རྒྱར་མིང་རྟགས་བཀོད་ནས། སླར་ཡང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་ནས་ཕྱིར་འཐེན་བྱས་པ་མ་ཟད། མཉམ་འབྲེལ་རྒྱལ་ཚོགས་ཀྱི་དབུས་ཤར་རྒྱུད་ཀྱི་ཕ་ལི་སི་ཐན་གྱི་ཡུལ་གྱར་བ་རྒུད་སྐྱོབ་དང་ལས་གྲྭ་ཁྲུའུ་སྟེ་དབུས་ཤར་རྒྱུད་རྒུད་སྐྱོབ་ལས་གྲྭ་ཁྲུའུ་ལ་མ་དངུལ་མཁོ་འདོན་བྱེད་མི་ཆོག་པའི་ཐག་བཅད།  ༢༠༡༨ལོར་མཉམ་འབྲེལ་རྒྱལ་ཚོགས་སུ་རྒྱུན་སྡོད་བྱས་པའི་ཨ་རིའི་སྐུ་ཚབ་ཧེ་ལི་ཡིས་ཨ་རི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་ནས་ཕྱིར་འཐེན་བྱེད་རྒྱུ་ཁྱབ་བསྒྲགས་བྱས་ནས། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་ཀྱིས་དབྱི་སི་རལ་ལ་ཕྱོགས་ཞེན་ཡོད་པ་དང་འགྲོ་བ་མིའི་ཐོབ་ཐང་སྲུང་སྐྱོང་ནུས་ལྡན་བྱེད་ཐུབ་མེད་ཅེས་བཤད་པ་རེད།