རྨ་ཆུའི་སྤྱིའི་རིང་ཚད་ལ་སྤྱི་ལེ5464ཡོད་ཅིང་། རྒྱལ་ཡོངས་ཀྱི་བརྒྱ་ཆའི་གཉིས་ཀྱི་ཆུ་ཀླུང་བཞུར་རྒྱུག་གི་ཚད་ཟིན་ཡོད་དེ། རྒྱལ་ཡོངས་ཀྱི12%ཡི་མི་འབོར་གསོ་སྐྱོང་བྱེད་བཞིན་ཡོད་པ་དང་། 15%ཡི་རྨོ་ཞིང་ལ་ཞིང་ཆུ་འདྲེན་བཞིན་ཡོད། རྨ་ཆུའི་བཞུར་རྒྱུད་ནི་རང་རྒྱལ་གྱི་དཔལ་འབྱོར་ས་ཁུལ་གཙོ་བོ་ཡིན་ཞིང་། དེ་ནི་རྒྱལ་ཡོངས་ཀྱི་ཞིང་ཕྱུགས་ལས་ཐོན་སྐྱེད་རྟེན་གཞི་དང་ནུས་ཁུངས་རྟེན་གཞི་གལ་ཆེན་ཡང་ཡིན། ཉེ་བའི་ལོ་འགའི་རིང་ལ། བཞུར་རྒྱུད་ཀྱི་ཞིང་ཆེན་སོ་སོས་རྨ་ཆུའི་སྐྱེ་ཁམས་སྲུང་སྐྱོང་དང་བཅོས་སྐྱོང་སྤེལ་ཏེ། དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བས། མི་དང་ཆུ་བོ་འཆམ་མཐུན་མཉམ་གནས་དང་སྲུང་སྐྱོང་འཕེལ་རྒྱས་ཟུང་འབྲེལ་གྱི་བདེ་སྐྱིད་ཆུ་བོའི་རི་མོ་ཞིག་གསར་དུ་འབྲི་བཞིན་ཡོད།  །