བུ་མོ་ཁྱོད་ཀྱིས།༼ ཞར་བཀོད་གཅིག ༽

　　ཐོ་ཡོར།

　　སྔོན་ཆད་ཀྱི་དྲན་པ་ཐམས་ཅད་ཕྱི་དྲོ་འདིར་སྤུངས།

　　རྩེད་རའི་ཚབ་ཏུ་རྨི་ལམ་དུ་མ་འཁོར་བའི་མི་ཞིག་ཕྲིས།

　　ཕྱི་རོལ་ཏུ་རྐང་རྗེན་དུ་སོང་ལ་ཕྱིར་མིག་ནང་དུ་ཉིན་ཞིག་གི་ན་ཟུག་གཏོར།

　　ཁ་པར་དུ་གཏག་མ་ཐུབ་པ་འགའ་ཞིག་རི་མོའི་ནང་ནས་རྒྱང་ཕུད་ཐོངས།

　　སྒེའུ་ཁུང་འགྲམ་ནས་ཉིན་ཞིག་གི་ངལ་དུབ་ཐག་རྡང་དུ་འཕོངས།

　　ཕྱི་དྲོའི་དུས་ཚོད་ལྔ་བར་ནམ་ཟླ་འཁྱག་པ་འདིའི་མེ་ཏོག་ཐུས།

　　རྒྱང་རིང་གི་མདུན་ནས་ཡིད་སུ་ལའང་མ་ཆགས་པར་སོང་།

　　དཀལ་ཡོལ་དེའི་ནང་དུ་ཡུན་རིང་ལ་འཕྱུར་བའི་རྨ་ཁ་དེ་གྱོན།

　　སྡོང་མགོར་བབས་པའི་བྱ་དེ་རྣམས་ལྡུམ་ར་སྟོང་བ་དེར་ཆུགས།

　　ཆེས་རྗེས་མར་དུས་ཚོད་ཆད་པའི་སྒྲ་ལ་ཞིབ་ཏུ་ཉོན།

　　༢༠༡༦.༤.༡༣ཉིན།

　　《གངས་རྒྱན་མེ་ཏོག》སྟེང་བཀོད།

　　སྙིང་བོ། 

　　ས་སྲོས་ནི།

　　བུད་སོང་བའི་མི།

　　མི་རྟག་པ་བསུབ་ཤུལ་གྱི།

　　སྙིང་རྗེའི་རྩ་བ་འདམ་ལ་ཟུགས།

　　ཁ་སང་གི་གསང་བའི་གཟིག་དེ་བཞིན།

　　སྐོམ་པའི་དོན་དུ་མེ་ལོང་ལ་ཉིན་མཚན་དུ་ལྟ།

　　ཆུ་ནང་གི་སྐྱེ་བོ་རྣམས་ཀྱི་རྐང་པ་མེ་ཡིས་འཚིག

　　མེ་ཏོག་ནི་རླུང་གི་ནང་ནས་བཞད་རྗེས།

　　མེ་མདའི་མཆུ་ནི་ལྗོན་ཤིང་ངོ་།

　　གངས་ནི་བ་སོའི་ཕོ་བྲང་།

　　སྟོན་ཁ་སླེབས་རྗེས་སུ།

　　ང་ནི་ཁྱོད་ཡིན།

　　༢༠༡༦.༤.༡༣ཉིན།

　　《གངས་རྒྱན་མེ་ཏོག》སྟེང་བཀོད།