༢དགའ་ས་བོར་བཤད་གི་འདུག་གོ།།   ན་ས་བོར་རག་གི་འདུག་གོ།། 

　　༣ཆུ་གཏིང་ན་བཞུར་དལ།།   མི་མཁས་ན་ཚིག་དལ།། 

　　༤ཁྱིམ་གཅིག་ལ་བུ་སྤུན་མང་ན།།   དགྲ་ནག་པོ་འདུལ་བའི་ཐོ་ཡིན།། 

　　༥ཚེ་ཟད་ནད་པ་སྨན་པས་མི་ཐུབ།།   རི་བོ་ཉིལ་ན་ཐག་པས་མི་སྡོམ།། 

　　༦ཟས་མི་ལག་བརྒྱུད་ན་ཇེ་ཉུང་།།   གཏམ་མི་ཁ་བརྒྱུད་ན་ཇེ་མང་།། 

　　༧ཁ་མཁས་ན་སྡེ་བའི་དཔོན་པོ།།   ལག་བདེ་ན་སྡེ་བའི་གཡོག་པོ།། 

　　༨དགུན་རྒྱ་སྟག་འདྲ་བོ་མཆོངས་ནས་ཡོང་།།   དབྱར་ཝ་མོ་འདྲ་བོ་འཇབ་ནས་ཡོང་།། 

　　༩བྱ་ཁྱུང་བྱམས་པ་བྲག་ཡིན་རུང་།།   ཞི་ལུའི་བཀོད་པ་ཁོག་ཡིན།། 

　　༡༠གངས་དཀར་སེམས་ན་རྟ་མེད་ན།།   ཕུ་རིང་ནང་ལ་སྲབ་མི་འཛིན།། 

　　༡༡བཟང་བསླབས་ན་ལོ་གསུམ།།   ངན་བསླབས་ན་ཉིན་གསུམ།། 

　　༡༢ཁ་ནས་བཤད་ན་ལྷ་བཞེངས་ལ།།   ལག་ལ་བཞག་ན་སྣབས་ལུག་ལ།། 

　　༡༣འགྲོ་མ་ཤེས་རྐང་སྣེ་རྡོ་ལ་ཐོགས།།   བཤད་མ་ཤེས་ཚིག་སྣེ་སྐྱོན་ལ་ཐོགས།།    

　　༡༤འཐེན་འཐེན་ན་ཆད་འགྲོ།།   བཀུག་བཀུག་ན་ཆག་འགྲོ།། 

　　༡༥རང་སྐྱོན་རི་བོང་རྭ་རེད།།   གཞན་སྐྱོན་གྲམ་པའི་རྡོ་རེད།། 

　　༡༦བཤད་ས་བུ་མོ།།   ཉན་ས་མནའ་མ།། 

　　༡༧ཨ་ལུ་མེད་ས་ནས་ཙི་གུ་མགོ་རྒྱལ་འབུད།། 

　　༡༨བྱ་འཕུར་ཤེས་ན་གཤོག་སྣེ་བྲག་ལ་མི་ཐོགས།།   མི་འགྲོ་ཤེས་ན་རྐང་སྣེ་རྡོ་ལ་མི་ཐོགས།། 

　　༡༩གོམ་གསུམ་སྤོས་ན་དོན་གསུམ་འགྲུབ།།   གཙོག་གེ་བསྡད་ན་མུག་གེ་འཆི།།

                                                                                                                                                  དཔའ་རིས་དམངས་ཁྲོད་འཚོལ་བསྡུ་བྱས