ངོ་མཚར་ཅན་གྱི་གཏམ་རྒྱུད་ཆོས་ལྡན་གྱི་བྱུང་རབས་སུ་བྱས་པ་དག་གི་ཁྲོད་ན་ཡང་ཨི་ར་ཡེལ་གྱི་རྒྱལ་པོ་སོ་ལོ་མོན་གྱིས་ཞལ་ལྕེ་བཅད་པའི་གཏམ་དང་། མ་ཁ་དང་བ་ག ཏ་ཟིག་གི་ཀ་ཀློ་རྣམས་ཀྱི་གནའ་བོའི་གཏམ་རྒྱུད་མི་དང་ཡུལ་གྱི་མིང་ཙམ་བརྗེས་ནས་ཧྲིལ་པོར་ཡོད་པ་ཟུར་ཙམ་བཀླགས་པས་ཀྱང་ཤེས་ནུས་པ་ཡང་མང་དུ་ཡོད་པ་ཡིན། དཔེར་ན་གེ་སར་ཡང་གྲུ་གུའི་རྒྱལ་པོ་མི་ཉག་ལ་གཡུལ་འགྱེད་མཁན་ཞིག་ཡོད་པ་དེའི་གཏམ་ཡིན་མདོག་ཁ་བས་ཙ་བ་ཙམ་ཡོད་ཀྱང་མི་སྲིད་མོད། ཆེ་ཆེར་ཐལ་བས་མཛུབ་མོ་འཛུགས་ས་འདི་ཡིན་སྟོན་རྒྱུ་མེད་པ་བཞིན་ནོ།།  

　　（བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་གིས་པར་དུ་བསྐྲུན་པའི༼དགེ་འདུན་ཆོས་འཕེལ་གྱི་གསུང་རྩོམ༽དེབ་གཉིས་པའི་ཤོག་ངོ༩༦ནས་བཤུས།）