དམར་གདུང་བཞེངས་པ།    བླ་མ་སྐྱེས་ཆེན་དམ་པ་རྣམས་ཀྱི་སྐུ་གདུང་ཞུགས་འབུལ་ཞུ་བ་ཕུད་ད་དུང་སྐུ་གདུང་སྐྱོན་མེད་དུ་བཞག་སྟེ་དམར་གདུང་ཞུགས་པའི་གདུང་རྟེན་བཞེངས་སྲོལ་ཡོད་པ་རེད།   དེ་ཡང་སྐུ་གདུང་གཙང་མར་བཀྲུས་ཤིང་གུར་ཀུམ་སོགས་བཟང་དྲུག་སྨན་གྱི་བྱུག་ཏེ་སྐུ་གདུང་རང་གཤོང་གི་ཟངས་ཀྱི་སྒྲོམ་གྱི་ནང་དུ་ཙོག་པུར་བཞག་ཐོག་དེའི་ནང་དུ་ཚྭ་དང་སོལ་བ་བཅུག་ཐོག་སྒྲོམ་གྱི་ཁ་དམ་པོ་བརྒྱབ་སྟེ་སྒྲོམ་དེ་ཡང་གསེར་དངུལ་ཟངས་གསུམ་མམ་རྡོའི་མཆོད་རྟེན་ཞེངས་པའི་ནང་དུ་འཇོག་གི་ཡོད་པ་དེ་ལ་དམར་གདུང་གི་མཆོད་རྟེན་ཞེས་བརྗོད་པ་དང།    དེ་ལྟ་བུའི་དམར་གདུང་མང་པི་ཞིག་ཉམས་པ་མེད་པར་གནས་པ་མ་ཟད།     དབུ་སྐྲ་ཡང་སྐྱེ་ཡི་ཡོད་པ་ནི་དཔེར་ན།     ཀུན་མཁྱེན་འཇིགས་མེད་གླིང་པ་ཞེས་རྙིང་མའི་བླ་ཆེན་ཞིག་ཡོད་པ་དེ་སྤྱི་ལོ༡༧༩༨ལོར་གཤེགས་པའི་སྐུའི་དམར་གདུང་ལྷོ་ཁ་འཕྱོངས་རྒྱས་ཚེ་རིང་ལྗོངས་སུ་ཡོད་པ་དེ་རིག་གནས་གསར་བརྗེའི་སྐབས་སུའང་མ་བསྐམས་ཤིང་དྲི་མ་མེད་ལ་དབུ་སྐྲའང་རིང་པོ་འཁྲུངས་ཡོད་པ་སྐབས་དེར་ས་གནས་དེ་གའི་མིས་མཐོང་ཆོས་སུ་གྱུར་པ་དང།    དེ་དང་དེ་འདྲ་བའི་ལོ་རྒྱུས་དུ་མ་ཡོད་ཀྱང་སྐབས་འདིའི་བརྗོད་བྱ་གཙོ་བོ་མིན་པ ས་འདི་ཙམ་གྱིས་ཆོག་པ་བྱས་སོ།