༡. ལོ་བཅུ་གསུམ་མ་ལོན་པའི་བྱིས་པ་ཤི་བའི་ཕུང་པོ་ནི་དུར་ཁྲོད་དུ་བྱ་འགྲེམས་བྱེད་སྲོལ་མེད།    དེའི་རྒྱུ་མཚན་ནི་ཕུང་པོ་དུར་ཁྲོད་དུ་བྱ་གཏོར་བྱེད་པའི་ཚེ་བྱ་འབེབས་བྱས་ཏེ་བྱ་རྒོད་མང་པི་ཞིག་བབ་ཡོང་གི་ཡོད་པས་ནར་མ་སོན་པའི་བྱིས་པའི་ཕུང་པོས་བྱ་རྒོད་མང་པོ་ཞིག་གི་གྲོད་པ་རྒྱག་གི་མེད་པ་མ་ཟད།     བྱ་རྒོད་དབང་ཆུང་བ་མང་པོ་ཞིག་ལ་ལྟོ་རག་གི་མེད་པས་དེ་ཡང་ཉེས་པའི་རྒྱུར་བསམ་སྟེ་བྱིས་པའི་ཕུང་པོ་ཆུར་བསྐྱུར་བ་རེད་ཅེས་བརྗོད་སྲོལ་ཡོད་པ་དང། 

　　༢ .མཚོན་འོག་ཏུ་ཤི་བ་ནི་བྱ་འགྲེམས་བྱེད་མི་རུང་བས་ཆུ་ལ་མཤམས་ཀྱི་ཡོད། 

　　༣. གནམ་གཤིས་སོགས་རྒྱུ་རྐྱེན་སྣ་ཚོགས་ལ་བརྟེན་ནས་སྐབས་རེ་ཕུང་པོ་དུར་ཁྲོད་དུ་སླེབས་ནས་བྱ་འབེབས་ཇི་ལྟར་བྱས་ཀྱང་བྱ་མ་བབ་པར་ཆུ་ལ་བཤམས་དགོས་པ་ཡང་ཡོང་གི་ཡོད། 

　　༤ .དུར་ཁྲོད་ཐག་རིང་བ་དང་གཤིན་པོའི་ཁྱིམ་ཚང་གི་ཆ་རྐྱེན་ཞན་པ་སོགས་རྒྱུ་མཚན་སྣ་ཚོགས་ལ་བརྟེན་ནས་ཆུ་ལ་བཤམས་དགོས་པ་ཡང་ཡོད། 

　　༥. ཡང་འགའ་ཞིག་ནི་རྩིས་འབྲས་ལས་ཆུར་བཤམས་དགོས་པའང་བབས་ནས་དེ་ལྟར་བྱེད་པ་ཡིན།    གོང་གསལ་དུར་འཇུག་ཁག་དེ་དག་ལས་ས་འོག་སྦེད་དགོས་པ་ནི་ཐ་མར་རྩི་གི་ཡོད་དེ་མི་ཕན་ཚུན་ཁ་རྩོད་བྱས་ཏེ་ངན་སྨོད་བྱེད་སྐབས་ཀྱང་མི་ངན་ས་སྦེད་གཏོང་རྒྱུ་ཞེས་བརྗོད་ཀྱི་ཡོད་པ་ལྟ་བུའོ།