༢༠༡༥ལོའི་བོད་ལྗོངས་དགེ་བཤེས་ལྷ་རམས་པའི་དམ་བཅའ་འཇོག་པའི་མཛད་སྒོ་སྤེལ་བ། 

　　ཟླ༤བའི་ཚེས༥ཉིན་གྱི་སྔ་དྲོར། ༢༠༡༥ལོའི་བོད་ལྗོངས་ཀྱི་དགེ་བཤེས་ལྷ་རམས་པའི་དམ་བཅའ་འཇོག་པ་དང་ལག་འཁྱེར་འབུལ་བའི་མཛད་སྒོ་དེ་ར་ས་འཕྲུལ་སྣང་གཙུག་ལག་ཁང་གི་ཇོ་སྐུའི་མདུན་གྱི་འདུ་ཁང་ཆེན་མོ་རུ་སྤེལ་ཞིང་། བོད་ལྗོངས་ཀྱི་དགོན་སྡེ་ཁག་ནས་སླེབས་པའི་གྲྭ་བཙུན་དང་བོད་བརྒྱུད་ནང་བསྟན་གྱི་དད་ལྡན་མང་ཚོགས་རྣམས་གནས་དེར་ཚོགས་ཏེ་དམ་བཅའ་འཇོག་པར་གསན་པ་རེད།

　　                            ༢༠༡༥ལོའི་བོད་ལྗོངས་དགེ་བཤེས་ལྷ་རམས་པའི་དམ་བཅའ་འཇོག་པའི་ཡུལ་དངོས་ཀྱི་རྣམ་པ། 

　　ལྷ་རམས་པའི་དགེ་བཤེས་ནི་བོད་བརྒྱུད་ནང་བསྟན་དགེ་ལུགས་པའི་གྲུབ་མཐའི་ཆེས་མཐོའི་ཡོན་གནས་ཤིག་ཡིན་ཞིང་། བོད་བརྒྱུད་ནང་བསྟན་གྲྭ་བཙུན་གྱི་ཆེས་མཐོའི་དམིགས་འབེན་ཡང་ཡིན།

　　                           ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་ཚོགས་པའི་ཚོགས་གཙོ་སྒྲུབ་ཁང་ 

　　                                ཐུབ་བསྟན་མཁས་གྲུབ་ཀྱིས་དགེ་བཤེས་ལྷ་རམས་པའི་ཡོན་གནས་

　　                                 ཐོབ་པའི་གྲྭ་བཙུན་དག་ལ་གཟེངས་རྟགས་གནང་བཞིན་པ།

　　༢༠༡༥ལོར་བོད་ལྗོངས་ཀྱི་དགོན་སྡེ་ཁག་ནས་སླེབས་པའི་གྲྭ་བཙུན༡༠ལ་དགེ་བཤེས་ལྷ་རམས་པའི་ཡོན་གནས་ཐོབ་ཅིང་། བྲག་གཡབ་དབྱིན་འདུམ་དགོན་གྱི་གྲྭ་བཙུན་བསོད་ནམས་དངོས་གྲུབ་ཀྱིས་གཟེངས་སུ་ཐོན་པའི་གྲུབ་འབྲས་ལས༢༠༡༥ལོའི་དགེ་བཤེས་ལྷ་རམས་པ་ཨང་དང་པོ་བླངས། ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་ཚོགས་པའི་ཚོགས་གཙོ་སྒྲུབ་ཁང་ཐུབ་བསྟན་མཁས་གྲུབ་ཀྱིས་དགེ་བཤེས་ལྷ་རམས་པའི་ཡོན་གནས་ཐོབ་པའི་གྲྭ་བཙུན་དག་ལ་གཟེངས་རྟགས་གནང་སྟེ་རྟེན་འབྲེལ་ཞུས།

　　                             ༢༠༡༥ལོའི་བོད་ལྗོངས་དགེ་བཤེས་ལྷ་རམས་པའི་ཡོན་གནས་ཐོབ་པའི་གྲྭ་བཙུན་བཅུ་བོ།