རང་རེའི་དགོན་སྡེ་ཁག་གི་ཡང་རྩེ་ན་རིག་རྒྱུ་མང་བའི་འཁོར་ལོ་དང་རི་དྭགས་ཀྱི་གཟུགས་ལས་གྲུབ་པའི་བཀོད་པ་ཡ་མཚན་ཅན་ཏེ་རི་དྭགས་ཆོས་འཁོར་ཞེས་པ་ནི།  གདུལ་བྱའི་སེམས་ཅན་ཐམས་ཅད་དམ་པའི་ཆོས་ལ་ཁུག་པའི་དོན་ཡིན་རུང་།   ཞིབ་པར་ཞུས་ན།   འཁོར་ལོའི་གྲུབ་ཆ་གཙོ་བོ་གསུམ་སྟེ།  འཛིན་བྱེད་ཀྱི་ལྟེ་བ།གཅོད་བྱེད་ཀྱི་རྩིབས།  སྡུད་བྱེད་ཀྱི་མུ་ཁྱུད་བཅས་གསུམ་ཀྱིས་ཚུལ་ཁྲིམས།  ཏིང་འཛིན།  ཤེས་རབ་བསླབས་པ་གསུམ་མམ་ཡང་ན་འདུལ་བ།  མདོ་སྡེ།  མངོན་པ་བཅས་ཆོས་སྡེ་སྣོད་གསུམ་མཚོན་ལ།  རི་དྭགས་ཕོ་མོ་གཉིས་པོས་ཆོས་འཁོར་གྱི་རྩེ་མོར་བློ་རྩེ་གཅིག་ཏུ་ལྟ་བ་ནི།  ཕྱི་ནང་གི་གྲུབ་མཐའ་འཛིན་མཁན་གང་ཟག་སུ་འདྲ་ཞིག་ཡིན་ཡང་།