ཆོས་སྐྱིད་ལྷ་མོ།   ༡༩༩༦ལོར་རྫ་ཆུ་ཁ་ཨ་རིག་སྡེ་བར་སྐྱེས།   ༢༠༡༡ལོ་ནས་བཟུང་སྔ་རྗེས་ཨ་རིག་སྒེར་བཙུགས་སློབ་གྲྭ་དང་།   ལྷ་ས་དུང་དཀར་སྐད་ཡིག་སློབ་གླིང་།  རྨ་ལྷོ་ཁུལ་ལས་རིག་ལག་རྩལ་སློབ་གྲྭའི་རྩེ་ཁོག་ཡན་ལག་སློབ་གྲྭ་སོགས་ནས་སུམ་རྟགས་དག་གསུམ་དང་།  རྒྱ་སྐད་རྒྱ་ཡིག  ལོ་རྒྱུས་སྙན་ངག་སོགས་ལ་སློབ་སྦྱོང་ཡང་ཡང་བྱས་པར་མ་ཟད།  ཡིག་མཁན་གྲགས་ཅན་མཁན་ཆེན་ཐུབ་བསྟན་སྨོན་ལམ་དང་།  པདྨ་ཆོས་འཕེལ།  ཐུབ་བསྟན་ཆོས་འཕེལ་སོགས་བསྟེན་ནས་དབུ་མེད་གཞུང་བྲིས་དང་།  ཡིག་ཆུང་།  སྡེར་ནང་ས་བྲིས།  སྨོན་ལམ་ཡིག་གཟུགས།  ལན་ཝར་སོགས་ལ་སློབ་སྦྱོང་ནན་ཏན་བྱས་ནས་གྲུབ་འབྲས་གང་འཚམས་ལོན་ཡོད་ཐོག  །འགྲན་སྡུར་དང་བྱེད་སྒོ་སྣ་ཚོགས་ལ་ཞུགས་ནས་བྱ་དགའ་ཅི་རིགས་ཐོབ་མྱོང་།  ད་ལྟ་ཨ་རིག་སྒེར་བཙུགས་སློབ་གྲྭའི་རྐང་འཛིན་དགེ་རྒན་དང་།  འཇུ་མི་ཕམ་གེ་སར་རིག་གནས་བརྒྱུད་འཛིན་དར་སྤེལ་ལས་སྒྲུབ་ཁང་གི་ཡིག་གཟུགས་དགེ་རྒན་དང་དོ་དམ་ལག་རོགས་སོགས་ཀྱི་འགན་ཁུར་ནས།  བོད་སྐད་ཡིག་དང་།  ཡིག་གཟུགས།  ལོ་རྒྱུས་སོགས་སྦྱོང་སྤྱོད་དར་སྤེལ་གྱི་ལས་ལ་ཧུར་ཐག་གིས་འཇུག་བཞིན་ཡོད་དོ། །