ཀྲུང་གོ་བོད་ཀྱི་དྲ་བའི་འཕྲིན།　ཚེས24ཉིན།　གཙང་བོ་གཅིག་གི་ཆུ་མཉམ་འཐུང་བྱེད་པ་དང་།　རྫ་ཆུ་དང་མེ་གོང་གཙང་བོའི་བརྩེ་བ་མཉམ་དུ་གླེང་ཞེས་པའི2025ལོའི“རྫ་ཆུ་དང་མེ་གོང་གཙང་བོའི་ལེ་དབར་ཁྲི་ལ་བསྐྱོད་པའི”བཅར་འདྲི་སྤེལ་རེས་བྱ་འགུལ་ཟི་ལིང་དུ་སྤེལ་མགོ་བརྩམས།

རྫ་ཆུ་དང་མེ་གོང་གཙང་བོ་ནི་ཨེ་ཤ་ཡའི་རྒྱལ་སྤྱིའི་ཆུ་བོ་ཆེན་པོ་ཞིག་ཡིན་ཞིང་།　དེ་ལ“ཤར་ཕྱོགས་ཀྱི་ཏུའོ་ནའོ་ཆུ་བོ”དང་།　གཙང་བོ་གཅིག་གིས་རྒྱལ་ཁབ་དྲུག་ལ་འབྲེལ་བའི“གསེར་གྱི་ཆུ་ལམ”ཞེས་འབོད་བཞིན་ཡོད།　དེ་ནི་མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་རྫ་སྟོད་རྫོང་ནས་འབྱུང་བ་དང་།　བོད་ལྗོངས་དང་ཡུན་ནན་བརྒྱུད་དེ་རྒྱལ་མཚམས་བརྒལ་བ་དང་།　ལའོ་ཝུའོ་དང་།　འབར་མ།　ཐེ་གོ།　ཇན་ཕུའུ་ཀྲའེ།　ཡོ་ནན་བཅས་ཀྱི་མང་ཚོགས་གསོ་སྐྱོང་བྱེད་བཞིན་ཡོད།

ད་ལོ“རྫ་ཆུ་དང་མེ་གོང་གཙང་བོའི་མཉམ་ལས”ཀྱི་ལམ་སྲོལ་བཙུགས་ནས་ལོ་འཁོར་བཅུ་པར་སླེབས་ཡོད།　ཆུ་མགོའི་སྐྱེ་ཁམས་ཁག་ཁུར་མངོན་པ་དང་།　འཛམ་གླིང་ལ་རྫ་ཆུ་དང་མེ་གོང་གཙང་བོའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོབ་དང་།　ལྗང་མདོག་འཕེལ་རྒྱས།　མི་རིགས་ཀྱི་ཡུལ་སྲོལ་གོམས་གཤིས་སོགས་གླེང་ཆེད།　མཚོ་སྔོན་ཞིང་ཆེན་སྲིད་གཞུང་གསར་འགྱུར་གཞུང་ལས་ཁང་དང་ཀྲུང་གོའི་གསར་འགྱུར་ཁང་མཚོ་སྔོན་ཡན་ལག་ཁང་གིས་མཉམ་འབྲེལ་སྒོས་གཙང་བོ་གཅིག་གི་ཆུ་མཉམ་འཐུང་བྱེད་པ་དང་།　རྫ་ཆུ་དང་མེ་གོང་གཙང་བོའི་བརྩེ་བ་མཉམ་དུ་གླེང་ཞེས་པའི2025ལོའི“རྫ་ཆུ་དང་མེ་གོང་གཙང་བོའི་ལེ་དབར་ཁྲི་ལ་བསྐྱོད་པའི”བཅར་འདྲི་སྤེལ་རེས་བྱ་འགུལ་ཇུས་འགོད་བྱས།　བྱ་འགུལ་དེ2020ལོ་ནས་བཟུང་སྐབས་བཞི་ལ་ལེགས་འགྲུབ་ངང་སྤེལ་བ་དང་།　《ཀྲུང་གོའི་དྲ་འཕྲིན་ལོ་རིམ་མེ་ལོང2022》ཞེས་པའི་ཁྲོད་བཅུག་ནས།　མཚོ་སྔོན་ཞིང་ཆེན་གྱི་ཟོང་རྟགས་ཕྱི་ཕྱོགས་དྲིལ་བསྒྲགས་བྱ་འགུལ་དུ་གྱུར་ཡོད།

ཟླ11པའི་ཚེས25ཉིན་ནས་ཚེས30ཉིན་བར།　མཚོ་སྔོན་ཞིང་ཆེན་ཏང་ཨུའི་དྲིལ་བསྒྲགས་པུའུ་དང་མཚོ་སྔོན་ཞིང་ཆེན་སྲིད་གཞུང་གསར་འགྱུར་གཞུང་ལས་ཁང་གི་འབྲེལ་ཡོད་འགན་འཁུར་བ་དང་། ཀྲུང་གོའི་གསར་འགྱུར་ཁང་མཚོ་སྔོན་ཡན་ལག་ཁང་དང་།　མཚོ་སྔོན་ཉིན་རེའི་ཚགས་པར་ཁང་།　མཚོ་སྔོན་རླུང་འཕྲིན་བརྙན་འཕྲིན་སོགས་ཀྱི་གསར་འགོད་པས་གྲུབ་པའི་བཅར་འདྲི་སྤེལ་རེས་ཚོགས་པ་འཁོར་དང་བཅས་པ་ཐེ་གོ་དང་ལའོ་ཝུའོ་ལ་འཚམས་འདྲིར་བྱ་རྒྱུ་ཡིན་ཞིང་།　དེའི་རིང་ཀྲུང་ཐེ་དང་ཀྲུང་ལའོ་བཅས་ཀྱི་ཉོ་ཚོང་དངུལ་གཏོང་དང་ནུས་ཁུངས་གསར་པ་སོགས་ཁྱབ་ཁོངས་ཀྱི་མཉམ་ལས་རྣམ་གྲངས་འཚོལ་ཞིབ་བྱས་ཏེ།　ས་གནས་དེ་གའི་རིག་གནས་ཤུལ་བཞག་དང་།　སློབ་གསོའི་ལས་ཁུངས།　དེ་བཞིན་དམངས་ཁྲོད་རྩ་འཛུགས་བཅས་ལ་འཚམས་འདྲི་བྱ་རྒྱུ་ཡིན་ཞིང་།　འབབ་རྒྱུད་ཀྱི་སྐྱེ་ཁམས་སྲུང་སྐྱོབ་རྣམ་གྲངས་སོགས་ལ་རྟོག་ཞིབ་བྱས་ཏེ།　རྫ་ཆུ་དང་མེ་གོང་གཙང་བོའི་ས་ཁུལ་གྱི་རིག་གནས་ཀྱི་སྣ་མང་རང་བཞིན་དང་མཉམ་འདྲེས་ཀྱི་མཛེས་སྡུག་མངོན་པ་མ་ཟད། མང་ཚོགས་མི་སྒེར་གྱི་ཉམས་མྱོང་དང་མྱོང་ཚོར་བཅས་ལ་དམིགས་ཏེ།“རྫ་ཆུ་དང་མེ་གོང་གཙང་བོའི་མཉམ་ལས”ཀྱི་ཕན་འབྲས་མངོན་རྒྱུ་རེད།

པར་འདི་ནི་གཙང་བོ་གཅིག་གི་ཆུ་མཉམ་འཐུང་བྱེད་པ་དང་།　རྫ་ཆུ་དང་མེ་གོང་གཙང་བོའི་བརྩེ་བ་མཉམ་དུ་གླེང་པ་སྟེ།　2025ལོའི“རྫ་ཆུ་དང་མེ་གོང་གཙང་བོའི་ལེ་དབར་ཁྲི་ལ་བསྐྱོད་པའི”བཅར་འདྲི་སྤེལ་རེས་ཚོགས་པ་ལམ་ལ་ཆས་པའི་ཚུལ་རེད།

ཡུལ་དངོས་བཅར་འདྲི་དང་སྤེལ་རེས་གཏིང་ཟབ་བྱས་པ་བརྒྱུད།　ཐེངས་འདིའི་བྱ་འགུལ་ལས་ཡི་གེ་དང་།　པར་རིས།　བརྙན་ལམ།　མཉམ་འདྲེས་སྨྱན་སྦྱོར་བཅས་ཀྱི་ཐོན་རྫས་རབ་དང་རིམ་པ་ཐོན་རྒྱུ་རེད།　དེ་དང་ཆབས་ཅིག“གསར་འགྱུར＋”ལ་བརྟེན་ནས་མཛའ་མཐུན་ཐོན་ཁུངས་གསོ་སྐྱོང་བྱས་ཏེ།　མཚོ་སྔོན་ཞིང་ཆེན་གྱི་ཕྱི་རྒྱལ་གྱི“གྲོགས་ཚོམས”ཇེ་ཆེར་གཏོང་རྒྱུ་རེད།

ཐེངས་འདིའི་བྱ་འགུལ་ནི་ཀྲུང་གུང་མཚོ་སྔོན་ཞིང་ཆེན་ཏང་ཨུའི་དྲིལ་བསྒྲགས་པུའུ་ཡིས་གཙོ་སྒྲུབ་བྱས་ཤིང་།　མཚོ་སྔོན་ཞིང་ཆེན་སྲིད་གཞུང་གསར་འགྱུར་གཞུང་ལས་ཁང་དང་ཀྲུང་གོའི་གསར་འགྱུར་ཁང་མཚོ་སྔོན་ཡན་ལག་ཁང་བཅས་ཀྱིས་སྒྲུབ་འགན་འཁུར་པ་རེད།　།