ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཚེས12ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀོང་ཏུང་ཞིང་ཆེན་ཀོང་ཀྲོའུ་གྲོང་ཁྱེར་དུ་སྔ་རྗེས་སུ་ལི་ཅིན་འཆར་ཆས་ཀོང་ཀྲོའུ་བཟོ་སྐྲུན་རྟེན་གཞི་དང་། ཀོང་ཆི་ཨེ་ཨན་ནུས་ཁུངས་གསར་བའི་རླངས་འཁོར་ཚད་ཡོད་ཀུང་སི་ལ་རྟོག་ཞིབ་མཛད་དེ། ས་གནས་དེས་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་དང་། བཟོ་སྐྲུན་ལས་རིགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། དེ་མིན་ཁེ་ལས་ཀྱིས་ཚན་རྩལ་གསར་གཏོད་ལ་སྐུལ་འདེད་གཏོང་བ། རང་བདག་ཟོང་རྟགས་གསར་གཏོད་སོགས་ཀྱི་གནས་ཚུལ་ལ་རྒྱུས་ལོན་གནང་བ་མ་ཟད། ཁེ་ལས་ཀྱི་འཐུས་མི་དང་ཚན་ཞིབ་མི་སྣ། ལས་ཡུལ་དང་པོའི་ལས་བཟོ་པ་སོགས་དང་བསམ་བློ་བརྗེ་རེས་བྱས། །
