2.ལ། །དམ་པའྀ་ཆོས་ཡུན་ཏུ་བརྟན་པར་གཙིགས་

　　3.བརྣན་པ། །

　　4.༄། །འཕྲུལ་གྱི་ལྷ་བཙན་པོ། མྱེས། ཁྲི་སྲོང་བརྩན་གྱྀ་

　　5.རྀང་ལ། ། སངས་རྒྱས་ཀྱྀ་ཆོས་མཛད་དེ། ། ར་སའི་གཙུག་

　　6.ལག་ཁང་ལས་སྩོགས་པ་བརྩིགས་ཤྀང་། ། དཀོན་མཆོག་

　　7.གསུམ་གྱྀ་རྟེན་བཙུགས་པ་དང་། །མྱེས་ཁྲི་འདུས་སྲོང་གྀ་

　　8.རྀང་ལ། གླིང་གྀ་ཁྲི་རྩེ་ལས་སྩོགས་པར་། གཙུག་ལག་

　　9.ཁང་བརྩིགས་སྟེ། ། དཀོན་མཆོག་གསུམ་གྱྀ་རྟེན་བཙུགས་

　　10.པ་དང་། མྱེས་ཁྲི་ལྡེ་གཙུག་བརྩན་གྱྀ་རིང་ལ། ། བྲག་མར་གྱྀ་

　　11.ཀྭ་ཅུ་དང་། མཆྀང་ཕུར་གཙུག་ལག་ཁང་བརྩིགས་སྟེ་དཀོན་

　　12.མཆོག་གསུམ་གྱྀ་རྟེན་བཙུགས་པ་དང་། ཡབ་ཁྲྀ་སྲོང་ལྡེ་

　　13.བརྩན་གྱྀ་རིང་ལ། ། བྲག་མར་གྱྀ་བསམ་ཡས་ལས་སྩོགས་

　　14.པ། །དབུང་མཐར2གཙུག་ལག་ཁང་བརྩིགས་སྟེ་དཀོན་

　　15.མཆོག་གསུམ་གྱྀ་རྟེན་བཙུགས་པ་དང་། ལྷ་བཙན་པོ་ཁྲི་

　　16.ལྡེ་སྲོང་བརྩན་གྱྀ་རིང་ལ་ཡང་། སྐར་ཅུང་གཙུག་ལག་ཁང་

　　17.ལས་སྩོགས་པ་བརྩིགས་སྟེ། །དཀོན་མཆོག་གསུམ་གྱྀ་རྟེན་

　　18.བཙུགས་པ་ལས་སྩོགས་པ། ། གདུང་རབས་རྒྱུད་གྱྀས་།

　　19.འདྀ་ལྟར་སངས་རྒྱས་ཀྱྀ་ཆོས་མཛད་པ་འདི། ། ནམ་དུ་ཡང་མ་

　　20.ཞིག ། ། བཏང་ན། ། ལེགས་པ་དཔག་ཏུ་མྱེད་པར་འགྱུར། །

　　21.བཏང་སྟེ། ཞྀག་གམ། མྱེད་པར་གྱུར་ན། སྡུག་པ་གྲངས་མྱེད་

　　22.པར་འོང་བས། ། ད་ཕྱྀན་ཆད་ནམ་ནམ་ཞ་ཞར། འཕྲུལ་གྱྀ་ལྷ་

　　23.བཙན་པོ་། །ཡབ་ཁྲི་སྲོང་ལྡེ་བརྩན་གྱྀ་རིང་ལ། །དཀོན་མཆོག་

　　24.གསུམ་གྱྀ་རྟེན་བཙུགས་པ་དང་། །སངས་རྒྱས་ཀྱྀ་ཆོས་མཛད་པ་

　　25.མྱི་གཏང་མ་ཞིག་པར། ། གདུང་རབས་རྒྱུད་ཀྱྀ་ཡི་དམ་བཅའོ་

　　26.ཞེས་འབྱུང་བ་ལས་སྩོགས་པ། ། བཙན་པོ་ཡབ་སྲས། ། རྗེ་

　　27.བློན་ཀུན། ཀྱྀས་དབུ་སྙུང་དང་བྲོ་བོར་ཏེ། ། གཙིགས་ཀྱྀ་ཡི་གེ་དང་

　　28.རྡོ་རིངས་ལ་བྲིས་པ་བཞྀན་དུ་ཡང་མཛད་དོ། ། འདྀ་ལྟར་ཡབ་

　　29.མྱེས། ། གདུང་རབས་རྒྱུད་ཀྱྀས། །དཀོན་མཆོག་གསུམ་གྱྀ་རྟེན་

　　30.བཙུགས་ཤྀང་། སངས་རྒྱས་ཀྱྀ་ཆོས་མཛད་པ་འདྀ། ། གཅེས་སྤྲས་ཅྀ་

　　31.ལ་ཡང་། སྡྀག་གོ་ཞེའམ། མ་ལེགས་སོ་ཞེས། མོ་དང་རྨྱི་ལྟས་ལས་

　　32.སྩོགས་སྟེ་ཅྀའི་ཕྱིར་ཡང་རུང་སྟེ། མྱྀ་གཞིག་གོ ། མྱི་སྤང་ངོ་། ། དེ་སྐད་

　　33 ཅེས། ཆེ་ཆུང་སུས་གསོལད་ཀྱྀས་ཀྱང་། དེ་ལྟར་མྱི་མཛད་དོ། ། བཙན་

　　34.པོ་དབོན་སྲས། ། སྐུ་ཆུང་ངུར་བཞུགས་པ་ཡན་ཅད། །  ཆབ་སྲྀད་ཀྱི་

　　35.མངའ་བདག་མཛད་པ་མན་ཆད་ཀྱང་། ། དགེ་སློང་ལས།དགེ་བའྀ་

　　36.བཤེས་ཉེན་བསྐོས་སྟེ། ཆོས་ཐུགས་སུ་ཅྀ་ཆུད་ཆུད་དུ་བསླབ་ཅྀང་། བོད་

　　37.ཡོངས་ཀྱྀས་ཀྱང་ཆོས་སློབ་ཅིང་སྤྱད་པའྀ་སྒོ་མྱི་གཅད། ནམ་དུ་ཡང་བོད་ཡ་

　　38.རབས་མན་ཅད། ། བོད་འབངས་ལས་ཐར་བར་གཟུད་པའྀ་སྒོ་མྱི་བགག་

　　39.པར། དད་པའྀ་རྣམས་ལས་ཐར་པར་བཙུད་ཏེ། དེའི་ནང་ནས་

　　40.ནུས་པ་ལས། །བཅོམ་ལྡན་འདས་ཀྱྀ་རིང་ལུགས་རྟག་ཏུ་བསྐོ་

　　41.ཞྀང། ། བཅོམ་ལྡན་འདས་ཀྱྀ་རིང་ལུགས་བྱེད་པའྀ་རྣམས་ཆོས་འཁོར་

　　42.ནས་བྱའོ་ཅོག་གྀ་བཀའ་ལ་ཡང་བཏགས་སྟེ། ། ཆོས་འཁོར་གྱི་ལས་དང་

　　43.དབང་བྱེད་ཅྀང་དགེ་བའྀ་བཤེས་གཉེན་བྱེད་པར་བསྐོའོ། ། རབ་ཏུ་བྱུང་བའི་

　　44.རྣམས། ། ངེད་ཡབ་སྲས་ཀྱྀས་མཆོད་གནས་སུ་གནང་བ་བཞྀན་དུ་བྱས་

　　45.སྟེ། ། བཙན་པོའི་ཕོ་བྲང་ན་དཀོན་མཆོག་གསུམ་གྱྀ་རྟེན་བཙུགས་ཤྀང་།

　　46.མཆོད་པ་ཡང་ གུ་དུ་མྱི་སྤང་མྱི་བསྐུར་3ཞྀང་མཆོད་གནས་སུ་བགྱྀའོ །

　　མདོར་ན། །  བཙན་པོའི་ཕོ་བྲང་དང་བོད་ཁམས་ན་དཀོན་མཆོག་གསུམ་མྱེད་

　　48.པ་དང་སྤང་བའྀ་ཐབས་ཅྀ་ཡང་མྱི་མཛད་དོ། ཡབ་མྱེས་དབོན་སྲས་

　　49.གང་གྀ་རིང་ལ་ཡང་རུང་སྟེ། དཀོན་མཆོག་གསུམ་གྱྀ་རྐྱེན་བཅད་པ་རྣམས་

　　50.ཀྱང་མ་དམའས་མ་ཞྀག་པའྀ་ཆོས་སུ་ལྷ་རྀས་ཀྱི་ཁྱིམ་ཡྀག་4གྀ་མགོ་དག་ལས་

　　51.འབྱུང་བ་བཞྀན་དུ་ཚིས་མཛད་5དོ། ། ད་ཕྱྀན་ཆད་གདུང་རབས་རེ་རེ་ཞིང་ཡང་

　　52.བཙན་པོ་ཡབ་སྲས་ཀྱྀས། འདྀ་བཞིན་དུ་ཡྀ་དམ་བཅའོ། དེ་ལས་མནའ་ཁ་

　　53.དབུད་པ་དག་མྱྀ་བགྱྀ་མྱི་བསྒྱུར་བར། ། འཇིག་རྟེན་ལས་འདས་པ་དང་འཇྀག

　　54.རྟེན་གྱྀ་ལྷ་དང་མྱྀ་མ་ཡིན་པ་ཐམས་ཅད་ཀྱང་། དཔང་དུ་གསོལ་ཏེ། །བཙན་པོ།

　　55.རྗེ་བློན་ཀུན་ཀྱྀས་ཀྱང་དབུ་སྙུང་དང་བྲོ་བོར་རོ། གཙིགས་བརྣནད་པའྀ་

　　56.ཡྀ་གེ་ཞྀབ་མོ་ནི། ། ཡབ་ཀྱྀ་རིང་ལ་གཙིགས་ཀྱྀ་ཡི་གེ་བྲྀས་པའི་ཟླ་ལ་

　　57.བཞག་6གོ ། །

　　2.དབུང་མཐར། དབུས་མཐའ་རུ། ཞེས་པ་དོན་གཅིག

　　3.མྱི་བསྐར། མི་དགར་སྟེ་སོ་སོར་མི་འགེར་ཞེས་པའི་དོན།

　　4.ལྷ་རྀས་ཀྱྀ་ཁྱིམ་ཡྀག  ཆོས་ཕྱོགས་སམ་ཆོས་སྡེ་ཕྱོགས་སུ་བཅད་པའི་རྒྱུ་ནོར་ཟས་གསུམ་དང་འབངས་ཁྱིམ་ཡི་གེ་ཅན་བཅས་ཀྱི་ཡིག་ཚང་།

　　5.ཚིས་མཛད། འདིར་ཐབས་མཛད་ཅེས་པདང་། ཡང་ན། ཕན་འདོགས་པའམ་མཐུན་རྐྱེན་སྦྱོར་བའི་དོན།

　　6.ཡབ་ཀྱྀ་རིང་ལ་གཙིགས་ཀྱྀ་ཡི་གེ་བྲྀས་པའི་ཟླ་ལ་བཞག  འདི་ནི་ཡབ་ཁྲི་སྲོང་ལྡེ་བཙན་གྱི་བཀའ་གཙིགས་ཁག་གཉིས་པོ་ལ་ཟེར་ཞིང་། སྲས་ཁོང་གིས་རྗེ་བློན་རྣམས་མནས་བསྒགས་པའི་བཀའ་གཙིགས་དེའང་གཤམ་ནས་འབྱུང་བར་འགྱུར་རོ།།