ཞི་ཅིན་ཕིང་གི་ལེགས་བཤད། དབུལ་སྒྲོལ་འགག་སྒྲོལ་སྐོར། (1)

2020-05-15
0

སྔར་ལས་ལྷག་པའི་སྒོ་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་རབ་དང་རིམ་པའི་དགོངས་དོན་སློབ་སྦྱོང་གཏིང་ཟབ་བྱེད་པ་དང་དུས་མཚུངས། དཔལ་འབྱོར་འཛུགས་སྐྲུན་དང་ཆབ་སྲིད་འཛུགས་སྐྱོང་། རིག་གནས་འཛུགས་སྐྱོང་། སྤྱི་ཚོགས་འཛུགས་སྐྲུན། སྣོད་བཅུད་ཤེས་དཔལ་འཛུགས་སྐྱོང་། ཏང་འཛུགས་སྐྱོང་སོགས་ལས་དོན་ཁྲོད་མཐའ་གཅིག་ཏུ་ལག་བསྟར་བྱ་ཆེད།   ངེད་སྐད་འཕྲིན་སྤྱི་རྟགས་ཐོག་དེ་རིང་ནས་བཟུང“ཞི་ཅིན་ཕིང་གི་ལེགས་བཤད་སྙན་སྒྲོན”ཞེས་པའི་ལེ་ཚན་བཀོད་སྒྲིག་བྱས་ཏེ《ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གླེང་བ》﹙པོད་དང་པོ་དང་གཉིས་པ﹚དང་གཙོ་རྒྱུན་སྨྱན་སྦྱོར་ཐོག་སྤེལ་བའི་སྤྱི་ཁྱབ་ཧྲུའུ་ཅིའི་གསུང་བཤད་ཀྱི་ནང་དོན“འབྱོར་འབྲིང་སྤྱི་ཚོགས་འཛུགས་སྐྲུན་སྐོར”དང“གནད་སྨིན་དབུལ་སྒྲོལ་སྐོར” “སྣོད་བཅུད་འཛུགས་སྐྲུན་སྐོར”སོགས་ཀྱི་འབྲེལ་ཡོད་ནང་དོན་རིམ་སྤེལ་བྱ་རྒྱུ་ཡིན་པས་རྒྱ་ཆེའི་དྲ་གྲོགས་ལྷན་རྒྱས་ནས་དོ་ཁུར་ཡོད་པ་ཞུ།

微信图片_20200514165336.jpg

དབུལ་སྒྲོལ་འགག་སྒྲོལ་ལ་འཕྲད་པའི་དཀའ་ངལ་དང་འགྲན་སློང་སྔར་བཞིན་ཛ་དྲག་པོ་ཡོད་ལ། ཐག་གཅོད་བྱེད་དགོས་པའི་མངོན་གསལ་དོད་པའི་གནད་དོན་སྔར་བཞིན་མི་ཉུང་བ་ཞིག་ཡོད། སླད་ཕྱིན་གྱི་ལོ་གསུམ་རིང་མི་ཁྲི་3000ལྷག་ཙམ་དབུལ་སྒྲོལ་ཡོང་བ་བྱེད་དགོས་པར་གནོན་ཤུགས་ཆེ་ལ་དཀའ་གནད་ཀྱང་ཆེན་པོ་འཕྲད་སྲིད་པ་མ་ཟད། ཇི་ཙམ་མཐའ་མཇུག་ཏུ་སླེབས་སྐབས་དཀའ་གནད་ཀྱང་དེ་བས་ཆེ་བ་ཡོད།

མི་འབོར་དབུལ་པོ་དུས་བཀག་བཞིན་དབུལ་སྒྲོལ་དང་རྫོང་དབུལ་པོ་ཚང་མའི་དབུལ་ཞྭ་འབུད་དགོས།

གྲོང་གསེབ་ཀྱི་མི་འབོར་དབུལ་པོ་དུས་བཀག་བཞིན་དབུལ་སྒྲོལ་དང་། རྫོང་དབུལ་པོ་ཚང་མའི་དབུལ་ཞྭ་འབུད་པ། ས་ཁོངས་རང་བཞིན་གྱི་སྤྱི་ཡོངས་ཀྱི་དབུལ་པོ་ཐག་གཅོད་བཅས་བྱེད་རྒྱུ་ནི་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་མཐའ་ཚད་ཀྱི་ལས་འགན་ཞིག་དང་ང་ཚོས་བཞག་པའི་བརྗིད་ཆེའི་དམ་བཅའ་ཞིག་རེད། ཏང་ཡོངས་ཀྱིས་ལས་དོན་ཡག་པོ་བསྒྲུབས་ཏེ་2020ལོར་སླེབས་སྐབས་མི་འབོར་དབུལ་པོ་དང་ས་ཁུལ་དབུལ་པོ་རྒྱལ་ཡོངས་དང་མཉམ་དུ་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་འགན་ལེན་བྱེད་དགོས། 

——2018ལོའི་ཟླ་2ཚེས་12ཉིན་ཞི་ཅིན་ཕིང་གིས་གནད་སྨིན་དབུལ་སྒྲོལ་འགག་སྒྲོལ་གྱི་དམག་འཐབ་ཡག་པོ་རྒྱག་པའི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་ལས་དྲངས།


  • 顶 0