དམངས་ཁྲོད་ཀྱི་གཏམ་དཔེ།

2016-09-28

 ༡.དུས་ལ་བབ་ན།ཤ་མོས་སྤང་བརྟོལ།
  ༢.ཆུ་ཕྱེད་ཀ་བརྒལ་ན།ཧ་ཕྱེད་ཀ་གོ།
  ༣.རིལ་རིལ་རྦ་ལ་ཤོར་བར།འཇོང་འཇོང་གིས་ལྟད་མོ་མ་བལྟ།
  ༤.ཁྲེལ་མེད་གསོན་པ་ལས།བག་ཡོད་ཤི་བ་དགའ།
  ༥ . སྤྱང་ཀི་མ་ལྟོགས་ཙམ་དང་།ལུ་གུ་མ་ཤི་ཙམ།
  ༦.སྣམ་བུ་དཀར་པོའི་ཚོས་མདོག་གང་ལ་བསྒྱུར་བསྒྱུར།
  ༧.རྡོ་རྗེ་གོ་ཁར་ལྷུང་ན།བུ་ཆུང་གི་རྩེད་ཆས།
  ༨.དར་ལྕོག་སྡོད་དུས།རླུང་བུས་མི་འཇོག
  ༩.བདེན་པ་རང་ཆེ།ཧམ་པ་མི་ཆེ།
  ༡༠.སྟག་མོ་ལྟོགས་ཀྱང་།རང་ཤ་མི་བཟའ།
  ༡༡.སྟག་ཐིག་ལེ་ཅན་དེ་ནགས་ལ་སོང་།ཁྱི་རྔ་མ་ཅན་དེ་ཤུལ་ན་ལུས།
  ༡༢.ཐལ་བ་གནམ་ལ་གཏོར་ན།ཕྱེད་ཀ་རང་གི་མགོ།
  ༡༣.ལྟོ་གར་ཟོས་ཀྱི་སྒོ་ཁྱི།
  ༡༤.དཀར་ཡོལ་ཆག་ཀྱང་།རི་མོ་བློ་ལ་ངེས།
  ༡༥.བཀའ་རྡོ་རྗེ་གཅོད་པ།གསུང་སྤུ་གྲི་ངར་མ།
  ༡༦.རྐང་པ་ས་ལ་མ་ཚུགས་པར།མགོ་བོས་གནམ་བརྟོལ་རྒྱུ།
  ༡༧.རྐྱང་ལ་རྔོ་ཤོར་ན།རི་དྭགས་ཀུན་རྫད།
  ༡༨.སྐམ་སའི་ཕྱག་རྒྱ་དེ།རློན་པའི་ཆུ་ནང་མི་ཡོང་།
  ༡༩.སྐེ་འདོད་ན་ཡང།ལྦ་བ་མི་འདོད།
  ༢༠.སྐྱུགས་བྲོ་ཡང་།ཨ་མའི་ལྟོ་ཕོར།
  ༢༡.སྐྲ་རྩེ་རླུང་གིས་བསྐྱོད་ཀྱང་།སྐྲ་རྩ་ཀ་ལིར་འབྱར་ཡོད།
  ༢༢.ཁ་ལ་ཕུད་ན་སྨན།ཁོག་ལ་བཅུག་ན་དུག
  ༢༣.ཁ་ཤས་བླ་མ་བསམ།ཁ་ཤས་ཚོགས་འཁོར་བསམ།
  ༢༤.ཁའི་དེ་བཞིན་གཤེགས་པས།ལུས་ཀྱི་སྒྲིབ་པ་མི་དག
  ༢༥.ཁག་འཇོག་ས་ཁ་དཀར་རྐྱང་།མདའ་འབེན་ས་བྲེ་སེར་འབྲོང་།
  ༡༦.ཁྱི་རྒན་རྩིག་ཁུག་ལ་བཀར་ན།མཆེ་བ་མི་གཙིགས་ཀ་མེད།
  ༢༧.ཁྱི་དང་ཉེ་ན།རྨ་དང་ཉེ།
  ༢༨.ཁྱི་སྨྱོ་ཡང་བདག་པོ་ངོ་ཤེས།
  ༢༩.གྲི་རྟུག་པོས་ཤ་མི་ཆོད།
  ༣༠.རྟ་ཐོག་ནས་གྲོག་མ་མི་རིག
  ༣༡.གློ་བ་ལ་མ་ཕན།མཆིན་པར་གནོད།
  ༣༢.དགོས་པའི་ལྷ་ཁང་ནག་པོར་བཞག མི་དགོས་བྲག་ལ་སྐུ་དཀར་གསོལ།
  ༣༣.མགོ་འོག་ཏུ་ལུས་ཆུག་པ།
  ༣༤.མགོ་ལས་དཔུང་པ་མཐོ་བ།
  ༣༥.མགྲོན་པོ་གསར་པ་ལ་སྣེ་ལེན་བྱེད་ཆེད།གུ་ཡོག་རྙིང་པ་མེ་ལ་འབུད།
  ༣༦.རྒན་མོ་གསེར་ཁུར་གྱི་དུས་ལས།རྟ་པ་མདུང་ཁྱེར་གྱི་དུས་མིན།
  ༣༧.རྒྱ་ཇ་ཞན་ལེ་ཡིན་ནམ།བོད་ཆུ་ངན་ལི་ཡིན།
  ༣༨.རྒྱ་མཚོ་སྐམ་ནུས་ན།སྦལ་པ་འཆི་ནུས།
  ༣༩.རྒྱལ་པོའི་རྒྱལ་ས་མ་བདེ་ན།སྤྲང་པོའི་ཉལ་ས་མི་བདེ།
  ༤༠.རྒྱུ་མ་ཆད་ནའང་།གསོན་པོའི་རེ་བ།
  ༤༡.སྒྱེ་མོ་སྟོང་པས།རང་ཚུགས་མི་ཟིན།
  ༤༢.སྒྲོན་མེ་འོད་སྣང་གསལ་ཡང་།རང་གི་ཞབས་ར་མི་གསལ།
  ༤༣.ངང་པ་མཚོ་ལ་འབབ་པར།ཉ་མོ་སྐྲག་དོན་མེད།
  ༤༤.རྔ་མོང་ཆེ་རུང་སྒོ་ཕྱུགས།རི་བོང་ཆུང་ཡང་རི་དྭགས།
  ༤༥.སྔ་མ་ཁ་བརྡབས་པར།མཇུག་མ་དགོད་ཁ་མ་ཤོར།
  ༤༦.སྔར་མགོ་ཡི་ཞྭ་ཉན་པ་དེ།ད་རྐང་པའི་ལྷམ་མི་ཉན།
  ༤༧.སྔར་སྦྲུལ་ཁྲ་བོས་སྲོག་བཅད།ད་ཐི་གུ་ཁྲ་བོར་ཡིད་མ་ཆེས།
  ༤༨.བཅུ་གསུམ་ཁོག་རྩིས་མ་ཤེས་ན།གྲོང་པའི་ཨ་ཕ་ག་ལ་ཡོང་།

<