བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་སྒོ་ནས་ཉམས་སུ་ལེན་ཚུལ་བདུད་རྩིའི་སྙིང་པོ་ཞེས་བྱ་བ་བཞུགས་སོ།༼ ༢ ༽

2017-07-27

    མཐོང་ལས་ངོ་བོ་ཉིད་ཀྱི་བདེ་བས་དབེན། །དེས་ན་འདི་དག་ཀུན་མཁྱེན་སངས་རྒྱས་ཀྱི། །བདེ་བ་མཆོག་དང་དེ་ཡི་རྒྱུར་གྱུར་བ། །ལམ་བཟང་རྣམས་དང་ལྡན་ན་ཅི་མ་རུང་། །ལྡན་པར་གྱུར་ཅིག་འགྱུར་བར་བྱིན་གྱིས་རློབས། །སྙིང་རྗེ་སྒོམ་ཚུལ་ནི།དེ་བཞིན་འདི་ཀུན་སྡུག་བསྔལ་མི་འདོད་ཀྱང་། །ཕལ་ཆེར་དེའི་རྒྱུ་མི་དགེར་མ་ཤེས་ཤིང་། །ཤེས་ཀྱང་མི་སྤོང་སྤོང་ལ་ཞུགས་ན་ཡང་། །སྤོང་བར་མི་ནུས་དགེ་ཉིད་སྤྱད་སྤྱད་པས། །ལས་ནི་བྱས་པ་ཆུད་མི་ཟ་བའི་ཕྱིར། །དམྱལ་བ་རབ་ཏུ་ཚ་དང་གྲང་བས་གདུང་། །ཡི་དྭགས་བཀྲེས་ཤིང་སྐོམས་པས་ཀུན་ཏུ་གཟིར། །དུད་འགྲོ་གསོད་བཀོལ་ཤིན་ཏུ་རྨོངས་པས་མནར། །མི་རྣམས་སྐྱེ་རྒ་ན་འཆིའི་སྡུག་བསྔལ་འཁྲུག །ལྷ་མིན་ཕྲག་དོག་འཐབ་རྩོད་ལས་ཀྱིས་མནར། །འདོད་ལྷ་འཆི་འཕོའི་མྱ་ངན་དྲག་པོས་སྐྱོ། ། གཟུགས་དང་གཟུགས་མེད་འདུ་བྱེད་སྡུག་བསྔལ་ཅན། །དེས་ན་འདི་དག་སྡུག་བསྔལ་དེ་ཀུན་དང་། །དེ་ཡི་རྒྱུར་གྱུར་ཉོན་མོངས་རྒྱུ་བཅས་དང་། །ད་ལྟ་ཉིད་དུ་བྲལ་ན་ཅི་མ་རུང་། །བྲལ་བར་གྱུར་ཅིག་དེ་ལྟར་བྱིན་གྱིས་རློབས། །ལྷག་བསམ་སྒོམ་ཚུལ་ནི།དེ་ལྟར་སེམས་ཅན་ཐམས་ཅད་སྡུག་བསྔལ་དང་། །བྲལ་ཞིང་བདེ་དང་ལྡན་པར་གྱུར་ཅིག་གུ། །སྙམ་པའི་སྨོན་ལམ་ཙམ་གྱིས་མི་ཆོག་པར། །དེ་ལྟར་འགྱུར་བ་བདག་གིས་བྱ་དགོས་སོ། །དེ་ཡི་རྒྱུ་མཚན་ཚེ་འདིའི་མ་རྒན་གྱི། །བདེ་བསྒྲུབ་སྡུག་བསྔལ་བདག་གིས་བསལ་དགོས་བཞིན། །སེམས་ཅན་ཀུན་གྱིའང་སྡུག་བསྔལ་སེལ་བ་དང་། །བདེ་བ་བསྒྲུབ་པ་བདག་གིས་བྱ་དགོས་ཏེ། །སེམས་ཅན་ངོས་ནས་བདེ་བ་འདོད་པ་དང་། །སྡུག་བསྔལ་མི་འདོད་པར་ནི་མཉམ་གྱུར་ལ། །རང་གི་ངོས་ནས་དྲིན་གྱིས་བསྐྱངས་པ་ལ། །མར་གྱུར་པ་ཡང་ཐམས་ཅད་མཚུངས་ཕྱིར་རོ། །དེས་ནས་འགྲོ་བ་འདི་དག་མ་ལུས་པ། །སྲིད་དང་ཞི་བའི་རྒུད་ཐམས་ཅད་ལས། །བསྒྲལ་ནས་ཀུན་མཁྱེན་གོ་འཕང་དམ་པ་རུ། །འགོད་པའི་ཁུར་ཆེན་བདག་གིས་འཁྱེར་བར་བྱ། །སེམས་བསྐྱེད་སྒོམ་ཚུལ་ནི། འོ་ན་བདག་ནི་ལས་ཉོན་གཞན་དབང་ཅན། །གར་སྐྱེའི་གདེངས་ཡང་མེད་ན་སེམས་ཅན་གཞན། །སྲིད་ལས་བསྒྲལ་ནས་བླ་མེད་བྱང་ཆུབ་ལ། །འགོད་པའི་ཁུར་ཆེན་ཇི་ལྟར་འཁྱེར་སྙམ་ན། །བདག་ལ་ད་ལྟ་དེ་འདྲའི་ནུས་པ་ནི། །མེད་པར་མ་ཟད་ཉན་རང་དགྲ་བཅོམ་གྱི། །གོ་འཕང་ཐོབ་ཀྱང་འགྲོ་ཀུན་ཀུན་མཁྱེན་སར། །འགོད་པའི་ནུས་པ་ནམ་ཡང་ཡོད་མིན་ཏེ། །དམན་པའི་དགྲ་བཅོམ་གཉིས་ཀྱང་ཉོན་སྒྲིབ་ཙམ། །སྤངས་ལས་ཤེས་བྱའི་སྒྲིབ་པ་མ་སྤངས་པས། །སྐྱོན་ནི་ཕྱོགས་རེ་ཙམ་ཞིག་ཟད་པ་དང་། །ཡོན་ཏན་དང་ནི་ཕྱོགས་རེ་ཙམ་ཞིག་རྫོགས། །དེ་ཕྱིར་རང་དོན་ཡང་ནི་མ་རྫོགས་ལ། །གཞན་གྱི་དོན་ཡང་སེམས་ཅན་ཉི་ཚེ་བའི། །དོན་ཙམ་མ་གཏོགས་འགྲོ་བ་མ་ལུས་པའི། །དོན་བསྒྲུབ་པ་ཡི་སུ་ལང་ཡོད་མ་ཡིན། །འོ་ན་སེམས་ཅན་མ་ལུས་སྲིད་མཚོ་ལས། །སྒྲོལ་བའི་ནུས་པ་སུ་ལ་ཡོད་ཅེ་ན། །དེ་ཡི་ནུས་པ་སངས་རྒྱས་འབའ་ཞིག་ལས། །གཞན་དོན་ཙམ་དུ་མ་ཟད་རང་གི་དོན། །སྤངས་རྟོགས་ཡོངས་སུ་རྫོགས་པའང་སངས་རྒྱས་ལས། །གཞན་མེད་ཕྱིར་ན་དོན་གཉིས་གང་བསྒྲུབ་ཀྱང་། །གོ་འཕང་མཆོག་དེ་ངེས་པར་ཐོབ་དགོས་ཏེ། །དེ་ཉིད་ཐོབ་ན་སྐུ་ཡི་ཡོན་ཏན་ནི། །མཚན་དཔེས་སྤྲས་ཤིང་ནམ་ཡང་འཕོ་འགྱུར་མེད། །སེམས་ཅན་རེ་རེའི་མདུན་དུའང་སྐུའི་བཀོད་པ། །དུ་མ་ཅིག་ཅར་དུ་མ་སྟོན་པར་ནུས། །གསུང་གི་ཡོན་ཏན་འགྲོ་བ་ཐམས་ཅད་ཀྱིས། །ཅིག་ཅར་དོན་རེ་ཞུས་ཀྱང་དབྱངས་གཅིག་གིས། །སོ་སོའི་སྐད་དུ་དེ་དོན་སྟོན་ནུས་ཤིང་། །སྐུ་ཡི་ཆ་ཀུན་ལས་ཀྱང་གསུང་དབྱངས་འབྱུང་། །ཐུགས་ཀྱི་ཡོན་ཏན་མཁྱེན་པའི་ཆོས་ཀུན་གྱི། །གནས་ལུགས་མངོན་སུམ་ཉིད་དུ་གཟིགས་བཞིན་དུ། །ཇི་སྙེད་ཤེས་བྱའི་བྱེ་བྲག་མ་ལུས་པ། །ལག་མཐིལ་གནས་པའི་རྫས་བཞིན་གསལ་ལེར་གཟིགས། །རྩེ་བའི་ཡོན་ཏན་ཇི་ལྟར་མ་གཅིག་གིས། །བུ་ལ་རྗེས་སུ་བརྩེ་བའི་ཚུལ་དེས་ཀྱང་། །འགྲོ་བ་ཀུན་ལ་བྱམས་པའི་ཐུགས་རྗེ་དེའི། །བརྒྱ་ཕྲག་ཆར་ཡང་་མི་ཕོད་པ་རུ་གསུངས། །འཕྲིན་ལས་ཆོས་ཀྱི་དབྱིངས་ལས་ནམ་ཡང་ནི། །གཡེ་བ་མེད་བཞིན་གང་འདུལ་རོལ་པ་རུ། །དཔག་བསམ་ཤིང་དང་ཡིད་བཞིན་ནོར་བུ་ལས། །འདོད་དགུ་འབྱུང་བཞིན་འབད་རྩོལ་མེད་པར་འབྱུང་། །དེ་ཡང་དུས་འགར་འབྱུང་ཞིང་འགའ་ཞིག་ཏུ། །མི་འབྱུང་བ་ཡི་ཉི་ཚེ་མ་ཡིན་པར། །ཇི་སྲིད་སེམས་ཅན་གནས་པ་དེ་སྲིད་དུ། །ནམ་ཡང་རྒྱུ་ཆད་མེད་པ་ཉིད་དུ་འབྱུང་། །ཨེ་མ་གོ་འཕང་མཆོག་དེ་ཐོབ་ན་ནི། །རང་ཡང་ཡོན་ཏན་དེ་ལྟར་ལྡན་གྱུར་ལ།།མ་རྒན་སེམས་ཅན་འདི་དག་མ་ལུས་པའི། །དོན་ཡང་ཕུན་སུམ་ཚོགས་པར་བྱེད་ནུས་ཕྱིར། །བདག་གིས་མྱུར་བ་མྱུར་བ་ཉིད་དུ་ཡང་།།རང་དང་གཞན་གྱི་དོན་གཉིས་མཐར་ཕྱིན་པའི། །གོ་འཕང་མཆོག་དེ་ཅི་ནས་ཐོབ་པར་བྱ། །ཐོབ་པར་གྱུར་ཅིག་འགྱུར་བར་བྱིན་གྱིས་རློབས། །དེ་ནས་འོག་གི་ཕྱིན་དྲུག་ལ་འཇུག་གོ །བདག་གཞན་མཉམ་བརྗེའི་སྒོ་ནས་བྱང་ཆུབ་ཀྱི་སེམས་སྒོམ་པར་སྤྲོ་ན། བཏང་སྙོམས་མར་ཤེས་དྲིན་དྲན་རྣམས་སྔར་བཞིན་སྔོན་དུ་བཏང་ནས་འདི་ལྟར། དེ་ལྟར་འགྲོ་བ་འདི་དག་ཐམས་ཅད་ནི། །རང་གི་དྲིན་ཅན་ཕ་མ་ཉིད་ཡིན་ཕྱིར། །འདི་དག་ཡལ་བར་དོར་ནས་རང་ཉིད་ལ། །གཅེས་པར་འཛིན་པ་འདི་ནི་རིགས་མིན་ཏེ། །བདག་ཉིད་གཅེས་པར་འཛིན་འདི་རང་ཉིད་ཀྱི། །སྡུག་བསྔལ་ཀུན་གྱི་རྒྱུ་རུ་གྱུར་པ་དང་། །གཞན་དག་གཅེས་པར་འཛིན་འདི་རང་ཉིད་ཀྱི། །བདེ་བ་ཀུན་གྱི་རྒྱུ་རུ་སྣང་ཕྱིར་རོ། །གཞན་ཡང་འཁོར་འདས་བདེ་བ་ཇི་སྙེད་པ། །དེ་ཀུན་གཞན་བདེ་འདོད་པ་ལས་འབྱུང་ཞིང་། །སྲིད་དང་ཞི་བའི་རྒུད་པ་ཇི་སྙེད་པ། །ཀུན་ཀྱང་རང་བདེ་འདོད་ལས་བྱུང་བར་གསུངས། །མདོར་ན་བྱིས་རྣམས་རང་ཉིད་གཅེས་འཛིན་པས། །སྡུག་བསྔལ་རྦ་ཀློང་འཁྲུགས་པ་འདི་ལྟར་གྱུར། །ཐུབ་རྣམས་གཞན་དག་གཅེས་པར་འཛིན་མཛད་པས། །ཕུན་ཚོགས་བདེ་བའི་གོ་འཕང་བརྙེས་མིན་ནམ། །དེ་ཕྱིར་སྡུག་བསྔལ་ནམ་ཡང་མི་འདོད་ན། །རང་ཉིད་གཅེས་པར་འཛིན་འདི་བོར་དགོས་ཤིང་། །བདེ་ལ་ཆོག་ཤེས་མེད་པར་སྤྱད་འདོད་ན། །གཞན་དག་གཅེས་པར་འཛིན་ལ་འབད་དགོས་སོ། །དེ་བས་བདག་གི་མ་རྒན་འདི་དག་གི། །སྡུག་བསྔལ་ཀུན་དང་དེ་ཡི་རྒྱུ་ཐམས་ཅད། །བདག་གི་སྟེང་དུ་སྨིན་ནས་དེ་དག་ཀུན། །སྡུག་བསྔལ་རྒྱུ་དང་བཅས་ལས་ཐར་གྱུར་ཅིག། །བདག་ལ་གནས་སྐབས་དང་ནི་མཐར་ཐུག་གི། །བདེ་བའི་ཚོགས་དང་དགེ་བ་གང་མཆིསཔ། །ཐམས་ཅད་འགྲོ་བ་འདི་དག་ལ་སྨིན་ནས། །དེ་ཀུན་བདེ་བ་མཆོག་དང་ལྡན་གྱུར་ཅིག །ཅེས་གཏོང་བའི་སྒོ་ནས་བྱམས་པ་དང་། ལེན་པའི་སྒོ་ནས་སྙིང་རྗེ་སྒོམ་ཚུལ་དེ་ལྟར་བྱས་ནས། དེ་ནས་ལྷག་བསམ་དང་སེམས་བསྐྱེད་སྔར་ཉམས་སུ་བླང་ལ་ཕྱིན་དྲུག་མན་འདྲའོ། །ཕྱིན་དྲུག་ལ་སློབ་ཚུལ་ནི། དེ་ལྟའི་སངས་རྒྱས་གོ་འཕང་ཐོབ་པ་ལ། །ཐོབ་པར་ཤོག་ཅིག་སྙམ་པས་མི་འགྲུབ་པས། །བྱང་སྡོམ་བཟུང་ནས་བསླབ་བྱ་ལ་འབད་ཅིང་། །རྒྱལ་སྲས་སྤྱོད་པ་རྒྱ་མཚོར་འཇུག་པར་བྱ། །དེ་ཡང་རྙེད་བཀུར་སོགས་ལ་མི་ལྟ་བར། །གང་འཚམས་ཆོས་སྟོན་ཆོས་ཀྱིི་སྦྱིན་པ་དང་། །མི་དང་མི་མིན་འབྱུང་བའི་གནོད་པ་ལས། །སྐྱོབ་པར་བྱེད་པ་མི་འཇིགས་སྦྱིན་པ་དང་། །ལན་དང་རྣམ་སྨིན་ལ་ནི་མི་རེ་བར། །མཁོ་དགུ་སྟེར་བ་ཟང་ཟིང་སྦྱིན་པ་སྟེ། །སྦྱིན་པ་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་ནར་བགྱི། །བསླབ་བྱའི་མཚམས་ལས་འདའ་བར་མི་བྱེད་པར། །སྡོམ་པར་བྱེད་པ་སྡོམ་པའི་ཚུལ་ཁྲིམས་དང། །ཕར་ཕྱིན་དྲུག་ལ་སོགས་པའི་དགེ་ཆོས་རྣམས། །རང་རྒྱུད་བསྐྱེད་ཅིང་བསྐྱེད་ཟིན་གོང་འཕེལ་དུ། །བྱེད་པ་དགེ་བའི་ཆོས་སྡུད་ཚུལ་ཁྲིམས་དང་། །སེམས་ཅན་དོན་བྱེད་རྣམ་པ་བཅུ་གཅིག་གི། །སྒོ་ནས་འགྲོ་བའི་དོན་རྣམས་ཚུལ་བཞིན་དུ། །བསྒྲུབ་པ་སེམས་ཅན་དོན་བྱེད་ཚུལ་ཁྲིམས་སྟེ། །ཚུལ་ཁྲིམས་རྣམས་པ་༝། །དེང་ནས་༝༝། །དེ་ལྟར་༝༝། །གནས་ལུགས་རིགས་པ་དོན་དམ་རྟོགས་པ་དང་། །རྣམ་དཔྱད་བློ་ཡིས་རིགས་ནས་མི་ཁྲོའི་སྟེང་། །གནོད་པའི་ལན་དུ་ཕན་པ་བསྒྲུབ་བྱེད་པ། །གནོད་ལ་ཇི་མི་སྙམ་པའི་བཟོད་པ་དང་། །ཟས་གོས་གནས་མལ་སོགས་ཀྱིས་ཕོངས་པ་དང་། །ནད་སོགས་མི་འདོད་པ་དང་ཆོས་ཕྱིར་དུ། །སྡུག་བསྔལ་བྱུང་བ་སྤྲོ་བས་བཟོད་བྱེད་པ། །སྡུག་བསྔལ་དང་དུ་ལེན་པའི་བཟོད་པ་དང་། །དཀོན་མཆོག་གསུམ་སོགས་མོས་པའི་ཡུལ་རྣམས་ལ། །ཡིད་ཆེས་མོས་པ་སྙིང་ནས་བསྐྱེད་བྱེད་པ། །ཆོས་ལ་ངེས་པར་སེམས་པའི་བཟོད་པ་སྟེ། །བཟོད་པ་༝༝། །དེང་ནས་༝༝། །དེ་ལྟར༝༝། །སེམས་ཅན་རེ་རེའི་དོན་ཕྱིར་བསྐལ་མང་དུ། །ངན་འགྲོར་གནས་དང་རྒྱལ་བའི་ཡོན་ཏན་རེ། །བསྒྲུབ་ཕྱིར་དུས་རིང་སྲིད་གནས་མི་སྐྱོ་བར། །སྤྲོ་བར་བྱེད་པ་གོ་ཆའི་བརྩོན་འགྲུས་དང་། །ཕྱིན་དྲུག་ལ་སོགས་དགེ་ཆོས་རང་རྒྱུད་ལ། །སྡུད་ཕྱིར་བརྩོན་པ་དགེ་སྡུད་བརྩོན་འགྲུས་དང་། །འགྲོ་བའི་དོན་བྱ་བཅུ་གཅིག་ལ་བརྩོན་པ། །སེམས་ཅན་དོན་བྱེད་པ་ཡི་བརྩོན་འགྲུས་ཏེ། །བརྩོན་འགྲུས་རྣམ་པ༝༝། །དེང་ནས་༝༝། །དེ་ལྟར་༝༝། །ངོ་བོའི་སྒོ་ནས་འཁོརའདས་བསམ་གཏན་གཉིས། །ཕྱོགས་ཀྱི་སྒོ་ནས་ཞི་ལྷག་ཟུང་འབྲེལ་གསུམ། །བྱེད་ལས་སྒོ་ནས་ལུས་སེམས་བདེར་གནས་དང་། །ཡོན་ཏན་རྟེན་བྱེད་པ་ཡི་བསམ་གཏན་དང་། །སེམས་ཅན་དོན་བྱེད་པ་ཡི་བསམ་གཏན་ཏེ། །བསམ་གཏན་རྣམས་པ་༝༝། །དེང་ནས་༝༝། །དེ་ལྟར་༝༝། །གནས་ལུགས་རིགས་པ་དོན་དམ་རྟོགས་པ་དང་། །གནས་ལྔ་རིགས་པ་ཀུན་རྫོབ་རྟོགས་པ་དང་། །འགྲོ་བ་རྣམས་ཀྱི་དོན་གཉིས་མ་ནོར་བར། །བསྒྲུབ་ཚུལ་ཇི་བཞིན་ཤེས་པའི་ཤེས་རབ་སྟེ། །ཤེས་རབ་རྣམ་པ་༝༝། །དེང་ནས་༝༝། །དེ་ལྟར་༝༝། །བསྡུ་བཞི་ལ་སློབ་ཚུལ་ནི། ཐབས་ཀྱིས་དྲངས་ཕྱིར་ཟང་ཟིང་སྦྱིན་པ་དང་། །སྙན་པར་སྨྲ་བ་དམ་ཆོས་སྟོན་པ་དང་། །བཤད་པའི་དོན་ལ་སྤྱོད་འཇུག་དོན་སྤྱོད་དང་། །གཞན་དག་གང་ལ་སྤྱོད་དུ་འཇུག་པ་དང་། །མཐུན་པར་རང་ཡང་སློབ་པ་དོན་ཐུན་ཏེ། །བསྡུ་བའི་དངོས་པོ་བཞི་ཡི་ཉམས་ལེན་ལ། །དེང་ནས་བདག་གིས་ཚུལ་བཞིན་བསླབ་པར་བགྱི། །དེ་ལྟར་ནུས་པར་བྱིན་གྱིསབརླབས་ཏུ་གསོལ། །ཞི་གནས་སྒོམ་ཚུལ་ནི། དེ་ལྟར་བྱང་ཆུབ་སེམས་དང་སྤྱོད་པ་ལ། །གོམས་པར་བྱས་ཀྱང་གནས་ལུགས་མ་རྟོགས་ན། །ཇི་ཙམ་འབད་ཀྱང་སྲིད་ལས་མི་གྲོལ་བས། །ཡང་དག་ལྟ་བ་རྟོགས་ཕྱིར་འབད་པར་བྱ། །དེ་ཡང་རང་སེམས་བྱིང་རྒོད་ཀྱིས་གཡེངས་ན། །གནས་ལུགས་ཟབ་དོན་མཐོང་བ་མི་སྲིད་པས། །བྱིང་རྒོད་སྤངས་ཕྱིར་དམིགས་པ་གང་རུང་ལ། །རྩེ་གཅིག་གནས་པའི་ཏིང་འཛིན་བསྒྲུབ་པར་བྱ། །དེ་ལ་ཏིང་འཛིན་སྒོམ་ལ་མི་སྤྲོ་བའི། །ལེ་ལོོ་དང་ནི་དམིགས་པ་བརྗེད་པ་དང་། །བྱིང་རྒོད་འདུ་མི་བྱེད་དང་འདུ་བྱེད་དེ། །ཏིང་འཛིན་འགྲུབ་པ་ཉེས་པ་ལྔ་སྦོད་ཕྱིར། །ལེ་ལོའི་གཉེན་པོར་ཞི་གནས་ཏིང་འཛིན་གྱི། །ཡོན་ཏན་མཐོང་བའི་དད་པ་བརྟན་པོ་དང་། །དེས་དྲངས་ཏིང་འཛིན་དོན་གཉེར་འདུན་པ་དང་། །འདུན་པ་རེས་བསྐུལ་རྩོལ་བའི་བརྩོན་འགྲུས་དང་། །རྩོལ་བའི་འབྲས་བུ་ཤིན་སྦྱངས་དང་བཞིའོ། །དམིགས་པ་བརྗེད་པའི་གཉེན་པོ་དྲན་པ་དང་། །བྱིང་དང་རྒོད་པའི་གཉེན་པོར་ཤེས་བཞིན་དང་། །བྱིང་རྒོད་གཉེན་པོ་འདུ་མི་བྱེད་པ་ཡི། །གཉེན་པོར་འདུ་བྱེད་པ་ཡི་སེམས་པ་དང་། །བྱིང་རྒོད་བྲལ་ཚེ་གཉེན་པོ་འདུ་བྱེད་པའི། །གཉེན་པོར་འདུ་མི་བྱེད་པའི་བཏང་སྙོམས་ཏེ། །ཉེས་པ་ལྔ་སྤོང་གཉེན་པོ་འདུ་བྱེད་བརྒྱད། །ལེགས་པར་བསྟེན་ཅིང་ཐོས་བསམ་དྲན་ཤེས་དང་། །བརྩོན་འགྲུས་འདྲིས་པའི་སྟོབས་དྲུག་ཉིད་དང་ནི། །བསྒྲིམས་ཏེ་འཇུག་དང་ཆད་ཅིང་འཇུག་པ་དང་། །ཆད་མེད་འཇུག་དང་ལྷུན་གྲུབ་འཇུག་བཞི་དང་། །འཇོག་དང་རྒྱུན་འཇོག་གླན་འཇོག་ཉེ་བར་འཇོག། །དུལ་བྱེད་ཞི་བྱེད་རྣམ་པར་ཞི་བྱེད་དང་། །རྩེ་གཅིག་ཏུ་བྱེད་མཉམ་པར་འཇོག་པ་སྟེ། །སྟོབས་དྲུག་ཡིད་བྱེད་བཞི་དང་སེམས་གནས་དགུས། །ལུས་སེམས་ཤིན་སྦྱངས་བདེ་བས་ཉེར་དྲངས་པའི། །རྣམ་དག་ཞི་གནས་ཏེང་འཛིན་བསྒྲུབ་པར་བྱ། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །ལྷག་མཐོང་སྒོམ་ཚུལ་ནི། དེ་ལྟར་ཞི་གནས་ཏིང་འཛིན་གྲུབ་པ་ན། །ཏིང་འཛིན་དེ་ལ་གནས་ནས་བདག་མེད་པའི། །དོན་ལ་སོ་སོར་རྟོག་པས་རབ་དཔྱད་དེ། །མ་རིག་འཁྲུལ་པའི་རྩ་བ་ཆོད་པར་བྱ། །དེ་ཡང་བདག་སོགས་འགྲོ་རྣམས་ཐོག་མེད་ནས། །ད་བར་འཁོར་བའི་གནས་འདིར་རབ་འཁོར་ནས། །སྡུག་བསྔལ་བརྒྱ་ཕྲག་དུ་མས་དབང་མེད་དུ། །མནར་བ་འདི་ཡིས་རྒྱུ་ནི་ཅི་སྙམ་ན། །དེ་ནི་སེམས་འདིའི་ངོ་བོ་ལུང་མ་བསྟན། །ཡིན་ཀྱང་དང་པོར་བདག་དང་གཞན་ལ་སོགས། །ལྟོས་མེད་རང་གི་ངོ་བོས་གྲུབ་བློ་སྐྱེས། །བདག་གཞན་ངོ་བོས་གྲུབ་པར་སྣང་བའི་མཐུས། །བདག་ལ་ཆགས་དང་གཞན་ལ་སྡང་བ་སོགས། །ཉོན་མོངས་ཀུན་སྐྱེ་དེ་ཡིས་ལས་བསགས་ནས། །རིགས་དྲུག་གནས་སུ་འགལ་མེ་ལྟར་འཁོར་ནས། །སྡུག་བསྔལ་ཆུ་གཉེར་བཞིན་དུ་འཁྲུག་འདི་བྱུང་། །དེ་ཕྱིར་འཁོར་བའི་རྩ་བ་མཐར་གཏུགས་ན། །འཁོར་འདས་ཆོས་ཀུན་རྟོག་པས་བཏགས་ཙམ་དུ། ། 

<