བོད་ལྗོངས་ཀྱི་སྒྲུང་པ་གྲགས་ཅན་བསམ་འགྲུབ།

2019-12-02
0

བོད་ཀྱི་སྒྲུང་མཁན་སྐད་གྲགས་ཅན་བསམ་འགྲུབ་ལགས་ནི་བོད་ལྗོངས་བྱང་ཐང་སྟེང་ཆེན་གྱི་ཁྱིམ་ཚང་ཕལ་བ་ཞིག་ནས་སྐུ་འཁྲུངས། ཁོང་ཆུང་དུས་ནས་ཡིད་འཛིན་གྱི་ནུས་པ་ཁྱད་དུ་འཕགས་པ་དང་རིག་རྒོད་ཅིག་ཡིན། ཁྱིམ་གྱི་ཨ་མྱེས་བློ་བཟང་དགེ་ལེགས་ནི་སྒྲུང་པ་ཞིག་ཡིན་པས་དུས་རྒྱུན་ཨ་མྱེས་ཀྱི་མདུན་ནས་གེ་སར་སྒྲུང་བཤད་པར་སློབ་སྦྱོང་བྱས་པ་དང་རྗེས་སུ་རྨི་ལམ་ཞིག་དང་བསྟུན་ནས་སྒྲུང་བཤད་ནས་རིམ་བཞིན་སྒྲུང་པ་སྐད་གྲགས་ཅན་ཞིག་ཏུ་གྱུར། ཁོང་ནི་བབས་སྒྲུང་ལ་རིགས་ལ་གཏོགས་པའི་སྒྲུང་པ་ཞིག་ཡིན། 1984ལོར་བོད་ལྗོངས་སྤྱི་ཚོགས་ཚན་རིག་ཁང་དུ་གདན་འདྲེན་ཞུ་སྟེ་སྒྲུང་པའི་ཐོབ་ཐང་གནང་། 1985ལོར་མལ་གྲོ་གོང་དཀར་རྫོང་དང་ལྷ་སའི་གྲོང་ཁྱེར་གྱི་སྲིད་གྲོས་ཨུ་ཡོན་ལ་བསྐོས། རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་འཐུས་ཚབ་རྒྱུན་འཛིན་པར་བདམས་ཡོད། ཁོང་གིས་སྔ་ཕྱིར་གླིང་གེ་སར་རྒྱལ་པོའི་སྒྲུང་རྫོང་ཁག45བཤད་དེ་ཆ་ཚང་སྒྲ་ཕབ་དང་། ཟིན་བྲིས། དག་སྒྲིག་བརྒྱུད་དེ་པར་བསྐྲུན་འགྲེམ་སྤེལ་བྱས་ཡོད་ལ། 2015ལོར་ནས་རིམ་བཞིན་སྒྲུང་དཔེ45ཁ་ཚང་པོ་རྒྱ་ཡིག་ཏུ་བསྒྱུར་བཞིན་མཆིས། 2011ལོའི་ཟླ2པའི་ཚེས16ཉིན་ཁོང་གི་བཞུགས་གནས་ལྷ་ས་གྲོང་ཁྱེར་མལ་གྲོ་གུང་དཀར་དུ་སྙུང་གཞི་དྲག་བསྐྱེད་མ་བྱུང་བར་སྐུ་གཤེགས་པ་དང་། དགུང་ལོ90ལ་ཕེབས་འདུག་གོ །

  • 顶 0