བོད་ཀྱི་བག་སྟོན་གཏམ་བཤད་གསེར་གྱི་མེ་ཏོག་ཕྲེང་བ།

2020-03-20
0

    ཕྱིའི་འཇིག་རྟེན་གྱི་ཆགས་ཚུལ།  ནང་གི་ཟས་ནོར་ལོངས་སྤྱོད་ཀྱི་འབྱུང་ཚུལ།  འཁོར་བ་སེམས་ཅན་གྱི་འཁྲུངས་ཚུལ།   རྟེན་འབྲེལ་དར་ཚུལ་ཚིག་གསུམ་གྱི་ཟུར།  སྐར་མའི་སྨིན་དྲུག་གི་མགོ་ཚོགས།  རྟེན་འབྲེལ་དར་ཚུལ་མདོ་ཙམ་ཞིག་ཞུ་ན། དང་པོ་གནམ་མ་ཆགས་གནམ་ནམ་མཁའ་སྔོན་པོ་གཡུ་རང་ཆགས།  ས་གཞི་དང་པོ་མཐའ་འོག་མའི་རྒྱ་མཚོ་ཆེན་མོ་བར་གཡང་ཤེལ་དཀར་གྱི་མདོག་ཅན་ཆགས།  གནམ་ལ་རྒྱ་མཚོའི་སྤྲིན་དམར་ཆགས།  སྤྲིན་ཅན་གྱི་ཆར་བ་ལྔ་འབབ་ནས།   མཐའ་འོག་མའི་རྒྱ་མཚོ་ཆེན་མོ་བར་གཡང་ཤེལ་དཀར་གྱི་མདོག་ཅན་ཆགས།  དེའི་དེ་དང་འབྱུང་བའི་བག་ཆགས།  དེའི་དེ་དང་བདུད་ཆགས།   དེའི་དེ་དང་བག་བདུད་ཀླུ་གསུམ་ཆགས། དེའི་དེ་དང་རི་ཡི་རྒྱལ་པོ་རི་རབ།  རྩི་ཤིང་ནགས་ཚལ་ཆགས།  རི་རབ་དེ་ལ་བམ་རིམ་བརྒྱད་ཁྲི་བཞི་སྟོང་།  བམ་རིམ་བཞི་ཁྲི་ཉིས་སྟོང་རྒྱ་མཚོའི་འོག་ལ་མར་སོང་།  འོག་ལ་ཀླུ་ཆེན་བརྒྱད་ཀྱི་གྲོང་ཆེན་ཆགས།  ཀླུའི་གྲོང་ཆེན་མང་པོ་ཆགས།  ཀླུའི་རྒྱལ་པོ་དགའ་བོ་དང་མི་དགའ་བོ།    རིན་པོ་ཆེ་སྣ་ལྔ་ལ་གྲུབ་པའི་བང་མཛོད་གྲངས་མེད་པ་ཆགས།


བོད་ཀྱི་བག་སྟོན་གཏམ་བཤད་གསེར་གྱི་མེ་ཏོག་ཕྲེང་བ།

    འཇིག་རྟེན་ཁམས་ཀྱི་ཟས་ནོར་ལོངས་སྤྱོད་དེ་འོག་ཕྱོགས་ཀླུའི་ཡུལ་ནས་ཡར་ཡོང་། རི་རབ་ཀྱི་དཔག་ཚད་བཞི་ཁྲི་ཉིས་སྟོང་རྒྱ་མཚོའི་སྟེང་ལ་ཡར་འཕགས། རི་རབ་ཀྱི་མཐའ་སྐོར་ཏུ་གསེར་གྱི་རིགས་བདུན། རིག་པའི་མཚོ་བདུན། རི་རབ་དེ་ལ་བམ་རིམ་བཞི།  བམ་རིམ་དང་པོ་གནོད་བྱིན་གྱི་ནང་ལ་བཞུགས་ཐོག  གཉིས་པ་ཁྲིམས་ཐོག  གསུམ་པ་སྟག་གཞོན་གྱི་རིགས།  བཞི་པ་རྒྱལ་ཆེན་སྡེ་བཞིའི་གནས།  རི་རབ་ཀྱི་རྩེ་ལ་སུམ་ཅུ་རྩ་གསུམ་པའི་ལྷ་གནས་ཆགས།  དེའི་སྟེང་དུ་དགའ་ལྡན་ཆགས།  དེའི་སྟེང་དུ་འཕྲུལ་དགའ་ཆགས། དེའི་སྟེང་དུ་གཞན་འཕྲུལ་དབང་བྱེད་ཆགས།   གཡུ་ཀླུ་སྐོར་པའི་ཞིང་ཁམས།  ལྕང་ཀླུ་ཅན་གྱི་ཕོ་བྲང་།  ཡར་གསལ་ལྷའི་ཞིང་ཁམས།   གཟུགས་ཁམས་ཀྱི་གནས་རིགས་བཅུ་བདུན།   གཟུགས་མེད་ཀྱི་ཁམས་བཞི་ལྟ་བུ་ཆགས་སྣང་ཟེར་ནས་ལབ་དོན་ཞུ་དགོས་སྣང་ལ།

  • 顶 0