ཨུ་རུ་སུའི་བོན་དགོན་རྫོགས་ཆེན་ཡོངས་རྩེ་གླིང་།

2016-08-09
0

   ཨུ་རུ་སུའི་བོན་དགོན་རྫོགས་ཆེན་ཡོངས་རྩེ་གླིང་འབྲེལ་ཏེ་གཤེན་གྱི་རྣམ་འབྱོར་བ་ཚུལ་ཁྲིམས་རྣམ་རྒྱལ་གྱི་ལོ་རྒྱུས། 

  ཁོང་ཉིད་སྤྱི་ལོ་༡༩༦༦་ལོར་འཁྲུངས། རྣལ་འབྱོར་བ་ཉི་མ་ཚུལ་ཁྲིམས་རིན་པོ་ཆེའི་མདུན་ནས་སྔོན་འགྲོ་བོན་སྤྱོད་དང་ཐུན་མིན་རྫོགས་ཆེན་གྱི་གདམས་ཟབ་མང་དུ་ཞུས་ཏེ་༡༩༨༥་རང་ལོ་ཉི་ཤུའི་ཐོག་ཁྱིམ་ནས་ཁྱིམ་མེད་པར་རབ་ཏུ་བྱུང་། ༡༩༨༦་ལོར་སྨན་རི་དགོན་དུ་སྒྲིག་ཞུགས་ཞུས། གཡུང་དྲུང་གླིང་གི་སློབ་དཔོན་ཀུན་བཟང་བློ་གྲོས་ཀྱི་མདུན་ནས་བསྡུས་གྲྭ་དང་། ཤེས་རབ་མཆོག་ལྡན་གྱི་དྲུང་ནས་སྨར་ཡིག་དང་སྤུངས་སོ་དང་ལན་ཝར་གྱི་བཤད་རྒྱུན་ཉན། རག་ཤི་རྟོགས་ལྡན་དང་བེ་རུ་རྟོགས་ལྡན་རྣམ་གཉིས་ཀྱི་དྲུང་ནས་དབང་ལུང་གདམས་ཟབ་དུ་མ་ཐོབ།

  སློབ་དཔོན་དྲང་སྲོང་གཡུང་དྲུང་རིན་པོ་ཆེའི་མདུན་ནས། ཤར་རྫའི་སྒྲུབ་གྲྭའི་ཟུར་ཁྲིད་ཞུགས་ནས་ཁྲིད་ལུང་དང་འདུལ་བ་རྒྱས་བསྡུས་དང་ཡེ་ཁྲི་བསྒྲགས་པ་སྐོར་གསུམ་སོགས་ཁྲིད་ལུང་དབང་གདམས་མང་པོ་ཐོབ། རྩེ་དྲུག་མཁན་རིན་པོ་གོ་སེ་སྤྲུལ་སྐུའི་མདུན་ནས་གསས་མཁར་མཆོག་ལྔའི་དབང་བཞི་དང་། བོན་གསར་མའི་ཐུན་མོང་མ་ཡིན་པའི་དབང་བཞི་ཕལ་ཆེར་ཐོབ། མཁན་པོ་གཙུག་ཕུད་ཚུལ་ཁྲིམས་ཀྱི་མདུན་ནས་ཞང་ཞུང་སྙན་རྒྱུད་ཀྱི་ལྗགས་ལུང་དང་། ཐུན་མིན་རུ་ཤན་རྩ་རླུང་སོགས་སྦྱངས། མཚམས་པ་ཡེ་ཤེས་རྒྱལ་མཚན་གྱི་དྲུང་ནས་ཐོད་རྒལ་དང་མུན་ཁྲིད་སོགས་གདམས་ངག་ཟབ་མོ་འགའ་ཞིག་ཐོབ། རྣལ་འབྱོར་ནམ་མཁའ་རྒྱལ་མཚན་གྱི་མདུན་ནས་ཁྲིད་ལུང་མང་པོ་ཞུས། ཉམས་རྒྱུད་སོགས་ཁ་ཤས་ཕར་ལའང་ཕུལ། ཁ་བོ་རྟོགས་ལྡན་རིན་པ་ཆེའི་མདུན་ནས་རྒྱལ་བའི་བཀའ་འགྱུར་ཆེན་མོོའི་ལུང་དང་། གཞན་ཡང་སྒྲུབ་སྐོར་མང་དག་གི་ལྗགས་ལུང་ཐོབ། ཡང་ཁོང་གི་ཡབ་ཆེན་ཡེ་ཤེས་བཟོད་པའི་དྲུང་ནས་ཆོ་ག་ཕྱག་ལེན་གང་མང་སྦྱངས་པ་གནང་། ༧སྐྱབས་རྗེ་ཡོངས་འཛིན་རིན་པོ་ཆེ་དང་། ཁ་བོ་རྟོགས་ལྡན་རིན་པོ་ཆེ། སྦ་བླ་ཟླ་བ་རྒྱལ་མཚན་རིན་པོ་ཆེ་གསུམ་མཁན་སློབ་དཔང་གསུམ་མཛད་ནས་དག་པ་དྲང་སྲོང་གི་སྡོམ་ཁྲིམས་ཞུས། དེ་རྗེས་བླ་མ་ཡོན་ཏན་རྒྱལ་མཚོ་སློབ་འཁོར་དང་། ཉམས་གསལ་རི་ཁྲིད་དུ་དབུ་རི་བླ་མ་སྐུ་མཆེད་སོགས་ལ་རྩ་རླུང་གཏུམ་མོའི་སྐོར་ཕར་ལ་དཔེ་ཁྲིད་བྱས། དེ་ནས་མཚམས་ཁང་ཞིག་བསྐྲུན་ཏེ་ལོ་ཤས་རིང་སྔར་གང་ཞུས་པ་དེ་དག་རང་རྒྱུད་ལ་འབྱོར་བའི་བརྩོན་འགྲུས་ཀྱིས་ཉམས་ལེན་མང་དུ་མཛད། ༡༩༩༩། དགུང་ལོ་སོ་ལྔའི་ཐོག་བོན་གྱི་གདན་ས་ཆེན་མོ་༧དཔལ་ལྡན་ཁྲི་བརྟན་ནོར་རྩེརགསར་དུ་འབྱོར་ཏེ། སྒྲུབ་གྲྭའི་སྡེ་ཚན་དུ་ཞུགས་ནས་༧སྐྱབས་རྗེ་ཡོངས་འཛིན་རིན་པོ་ཆེ་དང་། སྒྲུབ་གྲྭའི་མཁན་རིན་པོ་ཆེ་ཟུང་གི་དྲུང་ནས་བླ་མེད་གཞུང་ཆེན་སྡེ་བཞིའི་མ་བུ་ཆ་ལག་སོགས་མདོ་སྔགས་རྫོགས་གསུམ་གྱི་ཁྲིད་ལུང་དབང་གདམས་ཞུས་ཏེ་༧དཔལ་ལྡན་ཁྲི་བརྟན་ནོར་རྩེའི་སྒྲུབ་གྲྭ་མཐར་སོན་ནས་ད་ལྟའི་བར་དཔྱད་འཇོག་རེས་མོས་ཀྱིས་ཐུགས་བརྩོན་གནང་བཞིན་མཆིས།

IMG_3119.JPG 

  སྐབས་དེ་དུས་བཤད་སྒྲུབ་འདུས་སྡེའི་སྒྲུབ་གྲྭའི་དགེ་བསྐོས་དང་གྲྭ་ཚང་གི་དངུལ་གཉེར་གཅིག་ཆོག་བྱས། ༧སྐྱབས་རྗེ་སྨན་རིའི་ཁྲི་འཛིན་རིན་པོ་ཆེའི་དྲུང་ནས་ཤེས་རབ་ལྷ་མཆོག་ཕྱྭ་སྲས་ཀེང་ཙེའི་དབང་ཐོབ། ཁོང་གིས་འཆར་ཅན་སྒོམ་རྒྱག་དགོས་ཚུལ་གྱི་བཀའ་སློབ་ཤིན་ཏུ་སྨར་བ་གནང་བས་ཤིན་ཕན་པོ་བྱུང་སོང་བས་གདམ་ངག་བསྟན་ཚུལ་འདིས་ཆོག་པ་ཙམ་དུ་གོ་བ་བྱུང་ཞེས་གསུང་། གཞན་ཡང་དཔལ་ལྡན་ཁྲི་བརྟན་ནོར་རྩེར་དགེ་རྒན་མཁས་པའི་དབང་པོ་དག་གི་མདུན་ནས་སུམ་རྟགས་དག་གསུམ་དང་། ནག་རྩིས། སྙན་ངག དཀྱིལ་འཁོར་ཐིག་རྩ་སོགས་ལའང་སྦྱངས་པ་གང་ལེགས་གནང་།

༡༡.jpg

 

  ༢༠༠༦། ལོ་ནས་ཨུ་རུ་སུའི་རྒྱལ་ཁབ་ནང་གི་གཡུང་དྲུང་བོན་ལ་དད་མོས་ཅན་གྱི་འགའ་ཞིག་གིས་གདན་ཞུས་ལྟར་ཨུ་རུ་སའི་ལྷོ་ཤར་ཕྱོགས་སུ་Алтайཨར་ལྟ་ཞེས་པ་རུ་ལོ་ལྟར་དབྱར་ཟླ་གསུམ་རིང་ཉིན་ལྟར་དཔེ་ཁྲིད་གསུམ་དང་ཐུན་གསུམ་སྟེ་རྒྱལ་ཁབ་དེ་གའི་རྒྱལ་ས་མོ་སུ་ཀོ་དང་། Барйкл སྦ་ཁལ། Новосибирск ནོར་བེ་སུ་བྷེ་སུ། Алтай ཨར་ལྟ། Барнаул བྷར་ན་བོ། Томск ཏོམ་སི་ཀི། Омск ཨོམ་སི། Екатеринбург ཡེ་ཀ་ཆེར་རིའི་བྷོར། Уфа ཨོས་ཧ།Оренбург ཨ་རིང་བྷོར། Татарск ཏ་ཏར་སི་ཀིའི། Казань བཀབ་ཀ་སི། Камышин གག་མིག Волгоград ཝོལ་གྷ་གྷི་ར་ཐི། Тула ཏོས་ལ། Воронеж ཝ་རོ་ཉེ་རེ། Брянск བྷི་རང་སི་ཀི། Краснодарཀེ་ར་སི་ན་རྡར་སོགས་དང་། ཨུ་རུ་སུ་ལས་གཞན་པའི་རྒྱལ་ཁབ། Казахстан ཀ་ཟ་སི་ཐང་དང་། Таджикистан ཏ་ཇི་སི་ཐང་། ཡོས་ཁུ་རན། Беларусь བྷི་ལ་རོ་སུ། Нарвик ནོར་བིག་ཀེ། Литва ལིའི་ཐི་བ། Латвия ལ་ཐི་བིའི་ཡ། Эстония ཨས་སི་ཏོང་ཉིན་ཡ། ། Украина ཡུར་ཀི་རིང་ན། རྒྱལ་ཁབ་དུ་མའི་སློབ་མ་རྣམས་ལ། 

  དང་པོ་སྔོན་འགྲོ་ཞི་གནས་རིགས་དྲུག་རང་སྦྱོང་འཁོར་འདས་རུ་ཤན་མུན་མཚམས་གཏུམ་མོ་རྨི་བ་ལམ་ཁྱེར་ནས་རིམ་བཞིན་བླ་མེད་རྫོགས་ཆེན་གྱི་ཉམས་ལེན་སྐྱོང་གནང་མཛད། གཞན་ཡང་ནག་རྩིས་དང་དཀྱིལ་འཁོར་ཐིག་རྩ་བོད་ཀྱི་སྐད་ཡིག་བཅས་ཀྱི་དཔེ་ཁྲིད་གནང་སྟེ། དབྱར་ཟླ་གསུམ་རིང་ཨུ་རུ་སུ་ལ་སློབ་མ་སྐྱོང་། དེ་རྗེས་ཕྱིར་དཔལ་ལྡན་ཁྲི་བརྟན་ནོར་བུ་རྩེར་ཕེབས་ཏེ་མུ་མཐུད་ནས་ཉམས་ལེན་བྱས།

༠༡.jpg

 

  སྤྱི་ལོ། ༢༠༡༣། ལོ་ནས་བཟུང་སྟེ་ཨུ་རུ་སུའི་ནང་གཏན་འཇགས་བྱས་ཏེ་རྒྱལ་ཁབ་འདིའི་སྐད་ཡིག་སློབ་སྦྱོང་དང་སྔར་བཞིན་དཔེ་ཁྲིད་མཛད། མ་ཟད་ཨུ་རུ་སུའི་བྱང་ནུབ། Санкт-Петербург སང་པེའི་ཏྲེར་རྦོར་ཟེར་བའི་ས་གནས་སུ་ལོ་ལྟར་ཐེངས་བཞི་དང་། Мурманск མུར་མ་སི་ཀི་དང་། Улан-удэ འོས་ལན་འོས་དྷུ་ཨེ Иркутск ཡེར་ཀུའི་སི་ཀེ། ཆུར་ན་ཝ་རིའི་ཡ། ས་ཕྱོགས་གཞན་པ་འགར་ལོ་ལྟར་རྫོགས་ཆེན་གཙོས་པའི་གཡུང་དྲུང་བོན་གྱི་རིག་གཞུང་དཔེ་ཁྲིད་བྱས། དེ་བཞིན་ཡོ་ཡོབ་ཕྱོགས་སུ་Lithuniaལིའི་ཐི་བ་དང་། Latviaལ་ཐི་བ་ཟེར་བའི་ས་གནས་སུ་ལོ་ལྟར་དཔེ་ཁྲིད་བྱེད་པར་ཐེངས་འགའ་བསྐྱོད་ཀྱི་ཡོད་པ་དང་།

IMG_3119.JPG 

  ལྷག་པར་དུ། ༢༠༡༣། ལོ་ནས་ཨུ་རུ་སུའི་རྒྱལ་སའི་ཉེ་འདབས་སུ་ས་ཆ་གཞི་རྒྱ་ཆེ་བ་ཞིག་ཉོས་ཏེ་བོན་དགོན་རྫོགས་ཆེན་ཡོངས་རྩེ་གླིང་ཞེས་པ་གསར་བཞེངས་ཀྱི་མཛད་ཕྲིན་བསྐྱང་བཞིན་པ་དང་། དགོན་པའི་ལྷ་ཁང་གཙོས་པའི་ཁང་མིག་ཁ་ཤས་ལེགས་གྲུབ་བྱུང་ཡོད་པ་བཅས་ཁོང་གི་ལོ་རྒྱུས་མདོར་བསྡུས་ཤིག

  དཔལ་ལྡན་ཁྲི་བརྟན་ནོར་བུ་རྩེའི་གྲྭ་ཚང་ནས། 

  • 顶 0