ཁམས་སྡེ་དགེའི་ཡིད་ལྷུང་ཁོག་གི་ས་ཆ་གླིང་དཀར་གྱི་ཕ་ཤུལ་དང་འབྲེལ་བའི་ལོ་རྒྱུས་རགས་ཙམ་གླེང་བ།

2020-04-22
0

1.jpg

སྟོད་ན་གངས་དཀར་ལྷུན་པོའི་དབུ་རྩེ་མཐོ་ཞིང་།བར་ན་རྫ་སྤང་འདྲེས་མའི་བང་རིམ་ཡངས་པ། སྨད་ན་ལྗོན་པའི་དགའ་ཚལ་ལྟ་ན་སྡུག་ཅིང་། མཐའ་ན་རྫ་ཆུ་སྔོན་མོ་དལ་གྱིས་འབབ་པ། མ་བཅོས་རང་བྱུང་གི་མཚོ་དང་།མཚེའུ་ཡི་བཀོད་པ་མཛེས་ཤིང་ཡིད་དུ་འོང་བ།  གཡས་གཡོན་ན་རི་དྭགས་སྣ་ཚོགས་རྩེ་དགའ་དང་བག་ཡངས་སུ་རྒྱུ་ཞིང་།མེ་ཏོག་དང་རྩི་ཤིང་། སྨན་སྤོས་དྲི་བསུང་གིས་འཁོར་ཡུག་ཁྱོན་ཀུན་ཡོངས་སུ་ཁྱབ་པའི་ཁྲོད་ནས་བྱ་དང་བྱེའུ་རྣམས་ཀྱིས་སྤུ་སྡུག་ངོམ་བཞིན་སྙན་མོའི་མགྲིན་གླུ་གྱེར་པ།  ཕྱུགས་རིགས་དཀར་ནག་ཁྲ་གསུམ་གྱི་འཕེལ་ཁ་དར་བས་སྟོད་ཕྱོགས་འབྲོག་པའི་ལོངས་སྤྱོད་ཕུན་སུམ་ཚོགས་ཤིང་།  ཟས་ལ་བཅུད་ལྡན།  ནོར་ལ་གཡང་འཁོར། ཕོ་ལ་ཤེས་འཇོན་དང་དཔའ་རྩལ། མོ་ལ་སྐྱེ་གཟུགས་དང་མཛངས་རྒྱུད་ལྡན་ས། དགེ་བཅུའི་དབུ་འཕངས་མཐོ་བའི་ཡུལ་ཁམས། མདོར་ན་སྣོད་ལ་བཀྲ་ཤིས་དགེ་མཚན་གྱི་སྣང་བས་ཕྱུག་ཅིང་། བཅུད་ལ་ཕྱྭ་གཡང་དངོས་གྲུབ་ཀྱི་རེ་ཁཱ་འཛོམས་པ།  

  • 顶 0