དགོན་ལུང་བྱམས་པ་གླིང་དུ་ལྗོངས་རྒྱུར་བསྐྱོད་པ།

2020-03-05
0

དེང་དགོན་ལུང་བྱམས་པ་གླིང་གནས་སའི་རྫོང་གི་མིང་ལ་རྒྱ་སྐད་ཀྱིས་ཧུའུ་ཀྲུའུ་(互助)ཞེས་ཟེར་ཞིང་རྒྱལ་ཁབ་ཀྱིས་བཅིང་བཀྲོལ་བྱ་བའི་རྗེས་སུ་ཧོར་རིགས་(土族)རང་སྐྱོང་གི་རྫོང་ཞིག་ཏུ་བསྒྱུར།  དེང་བོད་སྐད་དུ་དགོན་ལུང་རྫོང་དུ་འབོད་མཁན་མང་།  རྫོང་ཐོག་ནས་སྤྱི་ལེ་སུམ་ཅུ་མཚམས་ཀྱི་བུའུ་ཧྲི་གྲོང་བརྡལ་གྱི་ཀྲེ་ཅ་ཞེས་པའི་སར་ཡོད།  ཧུའུ་ཀྲའུ་ཞེས་པ་བོད་སྐད་ཀྱིས་ཡུལ་འདིར་"ཧོར་གྲོང་"ཞེས་འབོད་པའི་སྒྲ་ལས་འགྱུར་བ་ཡིན་ཞེས་མང་པོ་ཞིག་གིས་བཤད།  ཡུལ་འདི་དང་རྫོང་འདིའི་གཞིས་སྡོད་མི་རིགས་གཙོ་བོ་ནི་སྔོན་ཞིག་ནས་ཧོར་རིགས་ཡིན།  ཧོར་རིགས་ནི་རང་རེའི་མཚོ་སྔོན་ཁུལ་དང་ཀན་སུའུ་དཔའ་རིས་ཡུལ་དུ་མ་གཏོགས་མེད་པའི་མི་རིགས་ཤིག་ཡིན་ལ།  སྔོན་ནས་བཟུང་རང་གི་སྐད་ཆ་ཡོད་ལ་ཡི་གེ་མེད།  ལོ་ངོ་འགའ་ཡི་སྔོན་དུ་ཞིང་ཆེན་དང་ས་གནས་ཀྱི་ཤེས་ལྡན་པ་སྐོར་ཞིག་གིས་དབྱིན་ཡིག་གི་ཡིག་གཟུགས་ལ་དཔེར་བྱས་ནས་ཧོར་ཡིག་ཅིག་བཟོས་ཀྱང་།  ཧོར་རང་གི་སྐད་བརྡ་དང་རིང་དུ་གནས་པས་རང་བཞིན་གྱིས་མེད་པར་ཆགས་པར་བཤད།  དམངས་ཁྲོད་ཀྱི་ངག་ཐོག་རྩོམ་རིག་དམངས་གླུ་དང་གཏམ་རྒྱུད་སོགས་མང་དུ་མཆིས་ཤིང་གླུ་དང་གར་ལ་དགའ།  སྐྱེས་པ་ཚོས་དབྱར་ཐོག་རས་ལྭ་རིང་བོ་དང་དགུན་ཁར་སློག་པ་གྱོན་ཏེ་སྐ་རགས་བཅིངས་ཤིང་། མགོ་ལ་ཕྱིང་ཞྭ་གྱོན།  སྐྱེས་མ་ཚོས་གོང་བ་མཐོ་ཞིང་གོང་ཁར་མེ་ཏོག་གཙགས་ཤིང་། ཕུ་ཐུང་རྣམས་ཁ་དོག་སྣ་ལྔའི་རས་ཀྱིས་བཟོས་པའི་སྟོད་ཐུང་གྱོན་པར་མ་ཟད། ཕྱི་རུ་ཁན་སྦྱར་ནག་པོ་དང་མགོ་ལ་ཕྱིང་ཞྭ། རྐང་བར་མེ་ཏོག་ཕབ་ཡོད་པའི་འཇུར་རྟ་གྱོན་པ་སོགས་བྱེད།

1500868044626026.jpg

  • 顶 0