བརྗིད་ཉམས་ཀྱིས་ཕྱུག་པའི་གངས་ཏི་སེ་རི་རྒྱུད།

2015-06-15
0

 

གངས་ཏི་སེ། 

   གངས་ཏི་སེ་རི་རྒྱུད་ནི་བོད་བྱང་ཕྱོགས་ཀྱི་ལྷོ་སྣེར་གནས་ཤིང་བོད་ཀྱི་བྱང་ཕྱོགས་དང་། ལྷོ་ཕྱོགས། ཤར་ལྷོ་བཅས་ཕྱོགས་སོ་སོའི་དབྱེ་མཚམས་ཡིན་ལ་བོད་ཀྱི་ནང་འབབ་ཆུ་བོ་དང་ཕྱི་འབབ་ཆུ་བོའི་དབར་གྱི་རང་བྱུང་གི་དབྱེ་མཚམས་ཤིག་ཀྱང་རེད། གངས་ཏི་སེའི་རི་རྒྱུད་ཀྱི་ནུབ་རི་རྣམས་གཞུང་ཐིག༨༠ནས་བཟུང་ཤར་ལྷོའི་ཕྱོགས་སུ་གསག་འགྲོས་སུ་བརྒྱུགས་པ་དང་། གཞུང་ཐིག༨༤-༨༥མཚམ་ནས་དངོས་སུ་གཞུང་དུ་བརྒྱུགས་ཏེ་གཞུང་ཐིག༩༠ས་ནས་གཉེན་ཆེན་ཐང་ལྷའི་རི་རྒྱུད་དང་འབྲེལ། གངས་ཏི་སེ་རི་རྒྱུད་ཀྱི་ཆ་སྙོམས་མཐོ་ཚད་ལ་མཚོ་ངོས་ལས་སྤྱི་ཁྲེ༥༥༠༠ནས༥༨༠༠བར་ཟིན་ཞིང་། དེའི་ནུབ་རྒྱུད་ཀྱི་ཞེང་ཚད་སྤྱི་ལེ༦༠ནས༧༠བར་ཟིན་པ་དང་། ཤར་རྒྱུད་ཀྱི་ཞེང་ཚད་ཆེ་ཤོས་ལ་སྤྱི་ལེ༡༠༠ཟིན། རི་རྒྱུད་དེའི་ཆགས་དབྱིབས་ཟང་ཟིང་ཆེ་ལ་ལེ་ལག་རི་རྒྱུད་རྣམས་ཀྱང་འདྲེས་འཛིང་ཤིག་ཏུ་ཆེ། སྙན་གྲགས་ཆེ་བའི་སྟོད་གངས་རིན་པོ་ཆེ་ནི་རི་རྒྱུད་དེའི་གཙོ་རི་ཡིན། དེའི་མཐོ་ཚད་མཚོ་ངོས་ལས་སྤྱི་ཁྲེ༦༦༥༦ཡོད། རི་བོ་འདི་ནི་དེང་གི་འཁྱག་རླུང་འཕེལ་མེད་ཅིག་ཡིན།

  • 顶 0