མིག་ལ་མི་གནོད་པའི་བརྙན་འཕྲིན་ལྟ་སྟངས།

2017-10-10

   

  དེང་སྐབས་བཪྙན་འཕྲིན་ལེ་ཚན་ཧ་ཅང་ཕུན་སུམ་ཚོགས་པས་རྒན་གཞོན་ཚང་མས་བཪྙན་འཕྲིན་ལྟ་རྒྱུར་ཤིན་ཏུ་དགའ་པོ་ཡོད། འོན་ཀྱང་བཪྙན་འཕྲིན་ལྟ་སྐབས་རང་ཉིད་ཀྱི་མིག་ལ་གཅེས་སྤྲས་བྱ་རྒྱུ་དེ་ཤིན་ཏུ་གལ་ཆེ།

  ༡.དུས་རྒྱུན་དུ་བཪྙན་འཕྲིན་ལྟ་སྐབས་བཪྙན་འཕྲིན་དང་བར་ཐག་ཉུང་མཐར་ཡང་སྨི་གཉིས་ཡན་འཇོག་དགོས།

  ༢.བཪྙན་འཕྲིན་ཆུ་ཚོད་གཅིག་ཡན་བསྟུད་མར་བལྟས་རྗེས་ཉུང་མཐར་ཡང་ངལ་གསོ་སྐར་མ་ལྔ་ནས་བཅུའི་བར་བྱེད་དགོས་པར་མ་ཟད། ཉིན་རེར་བཪྙན་འཕྲིན་ལྟ་བའི་དུས་ཚོད་རིང་དྲགས་མི་རུང་།

  ༣.བཪྙན་འཕྲིན་ལྟ་སྐབས་ཡག་ཤོས་ནི་རྒྱབ་ཏུ་ཤེལ་ཏོག་ཆུང་བའི་གློག་ཅིག་སྤར་ན་མིག་ལ་མི་གནོད་པའི་ཁྱད་པར་ཆེན་པོ་ཡོད།

  ༤.བཪྙན་འཕྲིན་འཕྲུལ་འཁོར་གྱི་འོད་མདངས་སྙོམ་སྒྲིག་བྱ་རྒྱུ་མཐོ་དྲགས་མི་རུང་།

  མིག་ནད་གཤེར་ཚག་གི་རྒྱུ་རྐྱེན་ནད་རྟགས་གསོ་བཅོས།

  རྒྱུ་རྐྱེན། མིག་ནད་གཤེར་ཚག་ཁྲག་དང་མཁྲིས་པ་ལས་གྱུར།

  ནད་རྟགས། མིག་དམར་ཞིང་ཚ་བ། ཉི་མ་མི་བཟོད་པ། མིག་མཆི་མས་ཁེངས། གཞན་མིག་ལྕིབས་ཤ་སྤྲིན་མཐུག་པོ་སྟེང་གཉན་ཚད་འགོས་ལ་མིག་རིམས་ཟེར།

  གསོ་བཅོས་ཐད། གཤེར་ཚག་དཔྲལ་རྩ་མིག་རྩ་སྣ་རྩེ་གཏར། སྐྱེར་པའི་ཁན་ར་འོ་སྦྱར་བ་བྱུག མིག་ཚག་ཀུན་ལ་སག་རྩི་ཚ་བ་གསུམ། ཡུང་བ་དུང་དང་ཏི་ཚ་སེར་པོ་དང་། མར་གསར་མར་ལོང་གཡའ་དང་སྦྱར་ལ་བྱུག གཞན་ཡང་། མཆིན་པ་ཚོན་པོ་ཆུར་སྦངས་ཆུ་སེར་བཏོན། ཞིབ་བརྡུངས་མར་བཙོས་ཚ་གསུམ་སྦྲང་རྩི་བཏབ། མཆིན་པའི་རླངས་པས་མིག་ཚག་སེལ་བར་བྱེད། །