སྣ་མཁར་དགོན།

2018-09-13
0

 

  བོད་ལྗོངས་ལྷུན་གྲུབ་རྫོང་བྱང་ཁ་ཤང་ཁོངས་སུ་ཆགས། དགོན་དེ་ནི་ཐོག་མར་དགོན་དེའི་གཡས་ངོས་ཀྱི་སྒྲུབ་གདན་སྒང་ཞེས་པར་སྒྲུབ་པ་པོ་དྲུག་སྒྲུབ་པ་བསྐྱོན་ནས་བཞུགས་པའི་སྒྲུབ་ཁང་ཆུང་ཆུང་ཞིག་ཡོད་པ་ལ་རྗེས་སུ་ད་ལྟའི་དགོན་གནས་ཡུལ་དེར་ས་སྐྱ་པཎ་ཆེན་ཤཱཀྱ་མཆོག་གི་དངོས་སློབ་པཎ་ཆེན་རྡོ་རྒྱལ་བས་ཕྱག་བཏབ་གནང་མཛད་ཅེས་ཟེར། སྔོན་སྟག་ལུང་དགོན་གྱི་དགོན་ལག་ཡིན། འདུ་ཁང་ཀ་བ་བཅུའི་ནང་རྟེན་གཙོ་སྤྱན་རས་གཟིགས་ཕྱག་བཞི་པ་ཞིག་དང་། སྟག་ལུང་ཐང་པའི་སྐུ་བརྙན་སོགས་མཇལ་རྒྱུ་ཡོད།     བཙུན་མ་དྲུག་བཅུ་སྐོར་གྱིས་སྟག་ལུང་བཀའ་བརྒྱུད་ཕྱག་བཞེས་མཛད་ཀྱི་ཡོད། ལོ་ལྟར་བོད་ཟླ་༡༡ཚེས་༡ནས་  ཚེས་༡༡བར་མཎིའི་སྒྲུབ་ཞག་དང་། ཟླ་༤པའི་ནང་སངས་རྒྱས་རབས་བདུན་ཞེས་ཚོགས་གནང་སྲོལ་ཡོད།  ད་ལྟ་སྔོན་གྱི་འདུ་ཁང་གི་གྱང་རོའི་སྟེང་གསར་བཞེངས་གནང་བའི་ནང་སྐུ་བརྙན་དེ་དག་གི་སྐུ་ཚབ་གསར་བཞེངས་གནང་བ་མཇལ་རྒྱུ་ཡོད། 

  • 顶 0