《ཐར་ལམ་གསལ་བྱེད་》གཞིར་བཟུང་ནས་འབྲས་རྟགས་ཡང་དག་གི་བསྒྲུབ་བྱའི་ཆོས་ངོས་འཛིན་ཚུལ་ལ་དཔྱད་པ།

2019-10-10
0

༄༅།། 《ཐར་ལམ་གསལ་བྱེད་》གཞིར་བཟུང་ནས་འབྲས་རྟགས་ཡང་དག་གི་བསྒྲུབ་བྱའི་ཆོས་ངོས་འཛིན་ཚུལ་ལ་དཔྱད་པ།

བསྟན་འཛིན་ཚེ་རིང་། སྙིང་མོ་སྐྱིད།

 

    [ནང་དོན་གནད་བསྡུས།] དཔྱད་རྩོམ་འདིར་རྒྱལ་ཚབ་རྗེ་དང་མཁས་གྲུབ་རྗེ་རྣམ་གཉིས་ཀྱི་བསྒྲུབ་བྱའི་ཆོས་ངོས་འཛིན་ཚུལ་ལ་བསྡུར་བ་བྱས་པ་བརྒྱུད། ཁོང་རྣམ་གཉིས་ཀྱི་རྩོད་གཞིའི་འབྱུང་རྐྱེན་གང་ཡིན་གླེང་བ་ནས་འགོ་བརྩམས་ཏེ། ཕྱིས་སུ་བོད་ཀྱི་མཁས་གྲུབ་རྣམ་པས་རྩོད་པའི་རྒྱུན་བསྐྱངས་ནས་ཇི་ལྟར་དར་སྤེལ་མཛད་པའི་སྐོར་ལ་བསྡུར་བ་བྱས་ནས། རྩོད་པའི་རང་བཞིན་དང་མཐར་གཏུགས་ན་དགོངས་པ་གཅིག་ཏུ་འབབ་མིན་ལ་དཔྱད་པ་བྱས་ཡོད།

    [བརྡ་ཆད་གཙོ་བོ།] འབྲས་རྟགས་ཡང་དག བསྒྲུབ་བྱའི་ཆོས། རྒྱལ་ཚབ་རྗེ། མཁས་གྲུབ་རྗེ། སྔ་རྒོལ། ཕྱི་རྒོལ།

    [ཀྲུང་གོའི་དཔེ་དེབ་དབྱེ་རྟགས།] B81“214”

    [ཡིག་ཚང་མཚན་བྱང་།] A

    [རྩོམ་གྱི་གོ་རིམ་ཨང་སྒྲིག] 1002-9060-2017-03-0054-08

དང་པོ། རྒྱལ་ཚབ་རྗེ་དང་མཁས་གྲུབ་རྗེ་རྣམ་གཉིས་ཀྱི་བསྒྲུབ་བྱའི་ཆོས་ངོས་འཛིན་ཚུལ་མི་འདྲ་བའི་རྒྱུ་རྐྱེན།

     ཚད་མ་རིག་པ་བོད་དུ་དར་བའི་རྗེས་དང་། ཁྱད་པར་བསྟན་པ་ཕྱི་དར་གྱི་སྐབས་ཏེ། རྔོག་བློ་ལྡན་ཤེས་རབ་དང་ཕྱྭ་པ་ཆོས་ཀྱི་སེང་གེ་སོགས་ཀྱི་རྗེས་ནས་བོད་དུ་ཚད་མའི་འཆད་ཉན་ཤིན་ཏུ་དར། སློབ་དཔོན་རྣམ་པའི་ཁུངས་གཏུགས་སའི་ཡིག་ཆ་མི་འདྲ་བ་དང་། ཚད་མའི་དོགས་གནད་ལ་སློབ་དཔོན་སོ་སོའི་གསལ་ཁ་མཛད་སྟངས་ཀྱི་རིགས་ལམ་མི་འདྲ་བ་ལས་འཆད་སྲོལ་མི་འདྲ་བ་བྱུང་ཞིང་། རིམ་བཞིན་དགོན་སྡེ་ཁག་གམ་གྲྭ་ཚང་སོ་སོའི་ཚད་མའི་ཁྲིད་རྒྱུན་མི་འདྲ་བ་བྱུང་ཡོད།

  • 顶 0